Хүн намын дарга Т.Доржханд мэдээлэл өглөө. Тэрбээр “Улс төр бол магтуулдаггүй, алга ташуулдаггүй. Монгол Улсын талд байх ёстой. Хүн намын даргын хувьд Хамтарсан засгийн газарт Хүн нам байх эсэхээс үл хамаарч Засгийн газрын үйл ажиллагаа явах ёстой. Гэхдээ Хамтарсан засгийн газрын үр дүнг иргэд хүртдэг. Монголчууд дандаа хоёр хуваагддаг байдлыг засъя. Ардын намын бага хурал өнөөдөр болно. Ардын намын гишүүд Монгол Улсын эрх ашигт тулхтай, 100 жилийн түүхтэй нам юм бол тэр талдаа байгаарай гэж хэлмээр байна. Хүн нам цаашид ч Хамтарсан засгийн газарт байх ёстой гэдэг байр суурьтай хэвээр байна. Би Ардчилсан намын дарга Л.Гантөмөр, Ерөнхий сайд Л.Оюун-Эрдэнэ хоёртой уулзсан. Уулзалтын үеэр нотлогдоогүй хөрөнгийг улсын өмч болгох тухай хуулиа өргөн барьсан. Алтангэрэл сайдын танилцуулж байсан хөрөнгө хураах хуулийг өөрчилж, нийтийн албан тушаалтан орлогоо нотолж чадахгүй бол төрд төлүүлнэ гэдэг хуулийг өргөн барьсан. Засгийн газрын тарах асуудал яригдаагүй. Хуулиараа тарах үндэслэл байхгүй” гэв.