Хамтарсан Засгийн газраас АН, Хүн намыг гаргах асуудлыг МАН-ын бага хурлаар хэлэлцэхээр болсон. Энэ талаар УИХ-ын гишүүн О.Амгаланбаатар "Айлд хүргэн ороод суучихсан. Айл нь хөөвөл явах л байх. Тэр чинь ямар ч дүрэм журмын дагуу биш дурандаа очоод хүнийд очоод суучихсан шүү дээ. Баян айлын хүргэн болоод суучихаар өнөө айл нь жаахан ааш нь хөдлөөд хөөж байгаа юм шиг л зүйл болж байна.  Ардчилсан нам хуралдаж, ярилцах ёстой. Нэлээд хугацаанд эрүүлээр ярилцсангүй. Одоо ярилцах цаг нь ирж байна. УИХ-ын гишүүн болж байгаа бүх хүн Үндсэн хууль дээр гараа тавьж тангараг өргөдөг. Энэ Засгийн газар Үндсэн хууль зөрчөөд байгуулагдсан Засгийн газар. Олонхийг авсан нам нь бүх гишүүнийг нэгтгээд хууль бус Засгийн газар байгуулсан. Тухайн үед ч миний хувьд хэлж байсан" гэв.