Ерөнхий сайд Л.Оюун-Эрдэнэ түүний хүүтэй холбоотой асуудлаар болон орлогоо нотлохыг шаардсан ард иргэдийн шаардлагын хариуд тайлбар хийж, цаг үеийн асуудлаар мэдээлэл өгчээ.

Тэрбээр "Намайг говийн бүсэд ажиллаж байх хугацаанд миний хүүтэй холбоотой асуудал гарсан байна. Манай хүү 23 настай эрийн цээнд хүрсэн. Найз охинтой болсон байна. Найз охиных нь ар гэр, аав ээжтэй танилцаж амжаагүй явна. Хүүгийнхээ хайр сэтгэлийн асуудалд хүндэтгэлтэй хандаж байгаа. Гэхдээ би хүүдээ "Олон нийтийн шүүмжлэл зөв. Хуулийн өмнө хүн бүр тэгш эрхтэй байх ёстой. Орлогоо нотлох ёстой" гэсэн зүйл хэлсэн. Манай хүүгийн талаарх мэдээлэл анх удаа гарч  байна. Хэтэрхий олны өмнө гарч ил болов гэж үглээд байсан нь буруу байж. Хүмүүст танигдаж, нийгэмд танигдах нь зөв зүйтэй байж магадгүй юм. Манай хүү багаасаа аялах дуртай, дуу хөгжимд дуртай байсан. "Херо" энтертаймэнттай хамтарч ажилладаг. Миний хөрөнгө орлогын мэдүүлэг дээр ч бий. Херо болон Хүлэг контент гэсэн хоёр компани байдаг. Ийм зүйл хийгээд явж байгаа залуу. Цаашдаа бие хүний хувьд мэдээлэл хийгээд явах ёстой. Би хүүдээ "Орлогоо нотолж чадахгүй бол сүйн бөгж байсан ч хураалгах ёстой" гэсэн зүйлийг хэлж байгаа. Засгийн газраас арваннэгдүгээр сард өндөр албан тушаалтан орлогоо нотолж чадахгүй бол улсын орлого болгоно гэсэн шийдвэр гаргасан. Тиймээс миний хувьд ийм асуудал үүссэн юм чинь хуулийн дагуу хөрөнгө орлого оо шалгуулна". Манай хүүгийн хувьд сүйн бөгж авсан гэдгээ хэлсэн. Бусад асуудлыг нь мэдэхгүй гэсэн. Мөнгө алга болохгүй цаашид учир нь олдох байх. Хөгжлийн банк, Баялагийн сан, том төслүүд гээд том асуудал том эрх ашгийг хөнддөг. Хувь хүний хувьд олон хүний эрх ашгийг зөрчсөн байна. Тиймээс үүнийг бүрэн ухамсарлаж, болгоомжтой хандахаас аргагүй болжээ. Намайг янз бүрээр хэлдэг. Гэр бүл рүү минь орж байгаа юм байна. Үүн дээр гэр бүлийнхэн маань ч  ойлголт авсан байх. Сая 30 жил гацаанд байсан  Гашуунсухайтын төмөр замын бүтээн байгуулалт эхэллээ. Энэ асуудал бараг дуулиан шуугианд дарагдаад өнгөрчихлөө. Би орлогоо нотолж чадахгүй сэтэрхий тэвнэ, сиймхий хадаг дээр ч асуудал үүсвэл хариуцлага хүлээхэд бэлэн байна. Өнөөдрийг хүртэл олон зүйл ирэхэд сэтгэл зүйн хувьд бэлтгэлтээ байж ирсэн. Баялагийн сан болон хууль эрх зүйн орчинтой холбоотой улс төрийн зорилгоор ашиглах гэсэн ялаанууд байгаа. Тэдэнд хандаж хэлэхэд "Та нар яагаад ч миний итгэл үнэмшил, тэмцлийг мөхөөж чадахгүй"  гэлээ.