НИТХ-ын өнөөдрийн хуралдаанаар нэгэн асуудлыг хэлэлцэхээр товложээ. Энэ нь хуулийн этгээдийг өөрчлөх тухай буюу Уламжлалт анагаах ухаан элэг судлалын клиник төвийн нэрийг өөрчлөх асуудлыг хэлэлцэхээр дараалалд багтаасан байна.  Хотын дарга Х.Нямбаатар Уламжлалт анагаах ухаан элэг судлалын клиник төвийг хууль бусаар булаан авах ажиллагааг өнгөрсөн хугацаанд хэрэгжүүлсээр ирсэн. Ингэхдээ шүүхийн шийдвэр, холбогдох хууль тогтоомжийг уландаа гишгэж улайран зүтгэж байгаа.

       Өөрөөр хэлбэл, Х.Нямбаатарын энэ улайралд шүүхийн шийдвэр, Монгол Улсад хүчин төгөлдөр мөрдөгдөж байгаа хууль, тогтоомжууд дэндүү багадаж байна, тэр ч бардаж байна.  Хотын дарга Х.Нямбаатарын энэ улайрлын цаана олон нийтийн эрх ашиг байгаа гэвэл бас л худлаа болох биз. Уламжлалт анагаах ухаан элэг судлалын клиник төвийг хууль бусаар булаан авах  ажиллагааг зохион байгуулахын зэрэгцээ одоо оноосон нэрийг нь өөрчилж төөрөгдүүлэх нь түүнд л ашигтай хувилбар бололтой.  Энэ үйл явдалтай холбоотойгоор шүүхээс Хотын дарга Х.Нямбаатарын шийдвэрийг түдгэлзүүлэх тухай тогтоол уг нь гаргачихсан байгаа.   

     Мөн Уламжлалт анагаах ухааны элэг судлалын клиник төвийг хувьчлах, менежментийн гэрээг дуусгавар болгох асуудал шүүхийн гурван шат дамжин улмаар Монгол Улсын дээд шүүхээр эцэслэгдэн шийдвэрлэгдсэн билээ.  Ийм байхад Хотын удирдлагууд шүүхийн шийдвэрийг үл тоон уулгалан дайрч, хууль бус үйлдлээ улам лавшруулсаар байна.  Үүнээс харахад ер нь Монгол Улсад шүүхийн шийдвэр хэрэггүй цаас болж,  хуулийн дагуу хийх гэсэн асуудал ч хоцорч, зүгээр л эрх мэдлээр уулгалан дайрдаг ийм цаг үе юм бололтой.