Ерөнхий сайдаас орлогоо нотлохыг шаардаж иргэд жагсаал хийж буй. Энэ талаар Шадар сайд Т.Доржхандаас сэтгүүлчид байр суурийг нь тодрууллаа.

     Тэрбээр "Хүн нам хамтарсан Засгийн газрын нэг бүрэлдэхүүн хэсэг юм. Гурван нам нийлээд тулгамдсан асуудлыг хамтдаа шийдье, эр зориг гаргая гээд хамтраад бид ажлаа хийж байгаа. Иргэдийн хувьд улс төрийн мэдлэг муу байна. Бид огт өөр эрх зүйн тогтолцоонд орчихсон. 1990 онд Америкийн хоёр намын системийг хуулаад улсаараа популизмд ороод нэг нь эрх барьдаг, нөгөө нь сөрөг хүчин гэж  явсаар байгаад том төслүүдээ ч хөгжүүлж чаддаггүй, бие биендээ дэгээ тавьсан 35 жил энэ. Тэгвэл 2023 онд бид Үндсэн хуулийн өөрчлөлт хийгээд бид баруун Европын загварыг авсан. Яагаад гэхээр хоёр намын систем буцаад нэг намын систем рүү орчихоод байгаа юм. Өчигдөр 75 жилийн түүхэнд Монгол Улс хоёр дахь хил олголтоо хийж байна. Гэтэл өөр хов живд анхаарал хандуулж байгаад харамсалтай байна. Орлогоо нотол гэдэг зүйл ардчилсан улсад байх ёстой. Хэрэв худлаа ярьж, хулгай хийсэн хүмүүс байх юм бол түүнийгээ нотлох ёстой гэсэн зарчим зөв. Гэхдээ өнөөдөр том эдийн засгийн асуудал, хамтарсан Засгийн газар арай гэж байгуулагдаад, бүх гацаад байгаа том төслөө явуулаад гадна, дотны хөрөнгө оруулагчдыг уриад, мессеж өгөөд явж байх үед давхцуулаад үүнийг саармагжуулах үйл ажиллагаа явж байгаа нь буруу" гэв.