УИХ-ын чуулганы  нэгдсэн хуралдаан эхэллээ.  УИХ-ын чуулганы нэгдсэн хуралдаанаар Засгийн газраас өргөн мэдүүлсэн Монгол Улсын хөгжлийн 2026 оны төлөвлөгөө батлах тухай УИХ-ын тогтоолын төслийн анхны хэлэлцүүлгийг хийж байна. 

Тогтоолын төслийг Шадар сайд Л.Гантөмөр танилцууллаа. Хуулийн төсөлтэй холбоотой гишүүд асуулт асууж хариулт авч байна.

УИХ-ЫН ГИШҮҮН С.ЭРДЭНЭБОЛД: Засгийн газар 2024-2028 онд 578 зүйл заалт бүхий мөрий хөтөлбөр дэвшүүлсэн. Энд 11 хэмжих нэгжийг тодорхойлсон. Одоогоор 48 сар буюу 4/1 өнгөрсөн байна. Хэрэгжилтийг нь үзэх болсон байна. Дараагийн 2026 оны хөтөлбөр орж ирлээ. Үүнтэй зэрэгцээд мониторинг үнэлгээ хэд байгаа вэ. 2026 оны хөтөлбөр дөрвөн бүлэг 104 заалттай орж ирсэн байна. Үүнд Бүсчилсэн хөгжил, Хүний хөгжлийн бодлого, Эдийн засгийн бодлого, Хүний эрхийн засаглалын бодлого гэсэн загварчлалтай орж ирсэн. Энэ загварчлал буруу байна. Үүнийг өөрчлөх боломж байна ууу. Хүний эрхийн засаглалын бодлого нь байж авилгыг бууруулна. Засаглал нээлттэй ил тод байна. Ингэснээр үр өгөөж нь дээшилнэ. Өнгөрсөн хугацаанд Их хурал хүний эрхийг дээдэлнэ гэж үзсэн. Засгийн газрын хөтөлбөр энгийн иргэдэд ойлгомжтой байх ёстой. Засгийн газар иргэдэд эрүүл аюулгүй орчин бий болгох ёстой. 

ШАДАР САЙД Л.ГАНТӨМӨР: Засгийн газрын үйл ажиллагааны хөтөлбөрийг батлаад долоон сар болж байгаа шүү дээ. Долоон сарын дараа та гэнэт ухаан ороод байрлалыг сольё гэдэг нь ямар учиртай юм. Энэ хугацаанд санал гаргахгүй яасан юм бэ. Ингэж, тав, зургаа, долоон сараар бодлоо өөрчилдгөө болио. Маргааш нь нэг ном уншихаараа өөр юм ярих юм. Эдийн засаг нь сайжирсан улс хөгждөг шүү дээ. Ядуу мөртлөө шударга ёс тогтсон улс гэж хаана байгаа юм. 

УИХ-ЫН ГИШҮҮН С.ЭРДЭНЭБОЛД: Төсөл хэрэгжиж эхэлсэн цагаас би ярьж эхэлсэн. Миний ярьж хэлсэн бичлэгүүд бий. Хэрвээ тэр бичлэгийг үзэж чадахгүй бол та өнгөрсөн долоо, найман сарын миний цалинг авч болно. Зарчмын шаардлага тавьж байхад битгий азрагалаад, гомдоод байх шаардлагагүй. Бидэнд мөнгө байхгүй биш байгаа. Тэр нь дарга нарын тансаглалд яваад байна.