Хүүхдийн байгууллага үүсэж хөгжсний 100 жилийн ой болох гэж буйтай холбогдуулан Засгийн газраас зарим шийдвэрийг гаргажээ. Эрүүл мэндийн сайд Т.Мөнхсайхан "Хүүхэд хамгааллын байгуулагын 100 жилийн ой болж байна. Энэ хүрээнд Хүүхдийн төлөө үндэсний зөвлөл шинэчилсэн бүрэлдэхүүнээрээ анхны хурлаа хийлээ. Энэ талаар Засгийн газарт танилцуулсан. Уг бодлого чиглэлийн нэг нь эрүүл ирээдүйн юм. Энэ хүрээнд хүүхдийг эхийн хэвлийд байх цагаас нь эхлэн анхаарах нь зүйтэй. Жирэмсний хяналтын тогтолцоог өөрчлөх, сургууль цэцэрлэгийн эрт илрүүлэг урьдчилсан үзлэгийн тогтолцоог бэхжүүлэх, зургаан настнуудын эрт илрүүлгийг эрчимжүүлэх, дөрөв болон 10, 12 дугаар ангийн сурагчдын дунд эрт илрүүлгийн тогтолцоог сайжруулах, ерөнхий боловсролын сургуулиа хүүхдүүд эрүүл төгсдөг байх, өвчин эмгэг байвал эрт илрүүлж, эмчилдэг байх тогтолцоог бий болгоно. 

Эрүүл боловсролтой ирээдүй эх орны хамгийн гол хөгжлийн тулгуур гэсэн үзэл баримтлалыг батжуулах тал дээр анхаарах даалгавар Засгийн газраас өглөө. Цаашид хүүхдүүдийг өвдсний дараа бус эрт илрүүлдэг байх арга хэмжээг хэрэгжүүлнэ" гэлээ.