УИХ дахь Ардчилсан намын бүлэг УИХ-ын чуулганы хуралдаанаас нэг хоногийн завсарлага авсан. Улмаар Бүлгийн ээлжит бус хуралдаан зарласан гэдгээ мэдэгдээд буй. Энэ талаар УИХ дахь АН-ын бүлгийн дарга О.Цогтгэрэл "Ерөнхий сайдын мэдээллийн цаг дээр хэлсэн үг байр суурьтай холбоотой тодорхой хэмжээний асуудлыг ярьсан. Хөдөлмөрийн хууль дээр ажил хаялт, ажил таслалт гэж хоёр үг бий.

      Бүлгийн гишүүд ирцэндээ орсон. Ажлын байран дээрээ байгаа. Бид төрийн үйл ажиллагааг санаатайгаар тасалдуулаагүй. Өөр асуудал байгаа юм. Нөгөө талаасаа уучлал гуйх гуйхгүй гэсэн хоёр хүний асуудал яриад байгаа мэт тайлбарлаад байна. Гэтэл үүний цаана парламентад ёс, ардчилсан үзэл санаа бий. Түүнээс биш хэн хэнийгээ давж дийлэх гэж байгаа асуудал биш. Ардчилсан намын бүлгийн гишүүд ирцэндээ ороод, хуралдаандаа оролцохгүй гэдэг дээр санал нэгдсэн. Засгийн газрын гишүүдийн хувьд байр сууриа илэрхийлж байгаа ч зарчмын хувьд санал зөрсөн асуудал гараагүй. Намын дарга өнөөдрийн хуралдаанд оролцож, амжаагүй чөлөөтэй байлаа. Ямартай ч намын бүлэг энэ пүрэв, баасан гарагийн чуулган хуралдаанд оролцохгүй гэдгээ мэдэгдсэн. Ирэх даваа гарагт намын бүлэг дахиад энэ асуудлаар хуралдана" гэлээ.