УИХ-ын гишүүн О.Амгаланбаатар цаг үеийн асуудлаар сэтгүүлчдэд тайлбар өглөө. Тэрбээр "Сүүлийн 30 жилийн хугацаанд хоёр могой жилд нь Ерөнхийлөгч сунгагдаж байсан давтамж байна гэх асуудлыг би нэг уулзалт дээр ярьж байсан. Гэтэл тэрийг хэргээр мушгиад байна. Янз бүрээр гүтгэж, гүжирдэж, худлаа мэдээлэл тараадаг байдал хэрээс хэтэрч байгаа. Гэхдээ миний хувьд нэг ч хэвлэлийг хуулийн байгууллагад өгөхгүй гэж боддог. Миний хувьд Ерөнхийлөгчийн дахин сонгох тал дээр ямар ч мессеж өгөөгүй" гэв.