Ногоон автобусны гэх хэрэгт холбогдсон “Тэнүүн огоо” ХХК-ийн захирал асан А.Ганхуяг тэргүүтэй хүмүүсийн шүүх хурал боллоо.

           Тэрбээр “Миний хувьд шүүхээс гаргаж байгаа шийдвэрт хүндэтгэлтэй хандаж байна. Хариуцлага хүлээхэд бэлэн байна. Нэг л юманд гомдолтой байна. Учир нь, монгол хүний хийсэн, бүтээсэн юм юу ч биш болоод Солонгос Улс руу мөнгө нь тэр чигээрээ шилжээд оччихсон байгаад, энэ хүмүүст доромжлуулаад сууж байгаад гомдол төрж байна. Сая прокуроруудаас яллаж байгаа байдлыг харахад би одоо яг ямар дайсан болчихоод ингэтлээ прокуроруудын үзэн ядалтад оров гэдэг дээр гайхаж суулаа. Нэгэнт би буруугаа хүлээгээд, энэ олон төрийн албан хаагчдын заримыг нь цагаатгаж байгаад шүүхэд баярлаж байна. Гэхдээ прокуроруудын хэлж байгаагаар яллах юм бол би Солонгосчуудаас ч мөнгөө олж чадахгүй юм байна. Хамгийн гол нь би яг ямар дайсан болчихоод, юу идэж уучихаад өнөөдөр дахин ингэж яллуулах юманд ороод байгаа юм бол оо гэсэн бодол төрж байна” гэв.