УИХ-ын гишүүн Б.Энхбаяр "Сейфнээс нь 7.5 тэрбум төгрөг гарсан С.Батдөлийг Шүүхийн шийдвэр гүйцэтгэх ерөнхий газрын харьяа амралтад амрааж байна” гэж мэдээлсэн. Тэгвэл энэ талаар Шүүхийн шийдвэр гүйцэтгэх ерөнхий газрын дарга Б.Нандинболор "С.Батдөл гурван шатны шүүхээр 7.4 жилийн ял аваад 409-р хорих ангид ял эдэлж байгаа. Энэ хүний хэрэг 2023 оны арваннэгдүгээр сард шүүхээр таслагдаад манай байгууллагын хорих ангид ирсэн. 2024 оны есдүгээр сарын 29-ны өдөр Төр хурахын амралтын газрын хажуухан хэсэгт дөрвөн хоригдол галчаар харуул хамгаалалтын ажлын үүрэгт гүйцэтгэх болсон. Тэр нь амралт биш, ахмадуудаа сувилах, албан хаагчдаа амраах чиглэлээр ажилладаг. Хувиарлалтыг хорих ангийн зөвлөл хийж, прокурорын зөвшөөрөлтэйгээр гардаг.  Ингээд С.Батдөлийг Сар 20 хоногийн хугацаанд галчаар ажиллуулсан. Буцаагаад прокурорын тогтоолоор 2024 оны арваннэгдүгээр сард хорих анги руу татсан юм билээ. Одоо хорих ангидаа ялаа эдэлж байгаа" гэв.