Шадар сайд, “Хүн” намын дарга Т.Доржханд намынхаа сонгуулийн санхүүжилтийн талаар байр сууриа илэрхийллээ.

       Тэрбээр “Улс төрийн 30 жилийн түүхэнд хоёр нам л байсан. Тэгээд хоёр нам руугаа л бизнес эрхлэгчид нь хандив өгдөг. Анх удаагаа л гурав дахь улс төрийн хүчиндээ хандив өгч байгаа асуудал гарч ирж байгаа. ХҮН нам, тэр дундаа нэг компани хандив авсан гэдэг бол асар буруу ойлголт. Бид өнөөдөр ардчиллыг хамгаална гэвэл аль болох авлигаас ангид байх ёстой. Дээрээс нь улс төрийн намын санхүүжилт нь ил тод байх ёстой. Цаашдаа аль болох хандив өгдөг байх хэрэгтэй. Тэгэхгүй бол мэргэжлийн хүмүүс мөнгөгүйгээсээ болоод улс төрд орж ирж чадахгүй байна. Тиймээс иргэд болон олон нийт, компаниас хандив авдаг байхыг бид уриалах ёстой байхад нам хандив авчихлаа гэдэг байдлаа болих хэрэгтэй. ХҮН нам MCS-ээс нэг тэрбумын хандив авсан нь үнэн. Х.Баттулгын Төгрөг нуурын асуудлыг хөндсөн учраас манай нам руу дайрч байх шиг байна" гэв.