Хууль зүйн байнгын хорооны өнөөдрийн хуралдаанаар хэвлэл нийтлэх эрх чөлөөнд халдсан байж болзошгүй гэх асуудлаар хэлэлцсэн. Энэ үеэр УИХ-ын гишүүн Г.Дамдинням Хууль зүй, дотоод хэргийн сайд О.Алтангэрэлээс "Хэрэгт холбогдсон хоёр хүнийг л авч явна биз. Яахаараа найман хүнийг шөнөжин байцаадаг юм" гэж асуухад, тэрбээр "Шөнөжин байцаагаагүй. Үзлэг нэгжлэг хийх үеэр гэрчээр байлцуулсан" гэв. Дараа нь мөн "Энэ асуудалд эцэстээ хэдэн цагдаа хариуцлага хүлээгээд дуусах вий дээ. Та хариуцлага хүлээх үү" гэхэд О.Алтангэрэл сайд "Цагдаагийн албан хаагчдыг цахим мөрийтэй тоглоомтой тэмц гэж хэлчихээд тэмцэхээр нь үндэслэлгүйгээр буруутгаад байж болохгүй. Хэрэв улс төрийн буруутгал хэрэгтэй бол би түүнийг нь хүлээхэд бэлэн. Надад айгаад, асуудлаас бултаад байгаа зүйл байхгүй" гэлээ.