Хууль зүйн байнгын хорооны хурал өнөөдөр боллоо.

         Энэ үеэр УИХ-ын гишүүн П.Сайнзориг "Бид аливаа нийгэмд болж байгаа үйл явдалд албан ёсны хууль дүрмийн дагуу оролцдог болмоор байна. Ялангуяа, Хууль зүйн байнгын хороо, Хүний эрхийн дээд хороо. Бүх зүйл дээр улс төрийн албан тушаалтай нь эхлээд мэдээллээ авна. Тэгэхгүйгээр цагдаагийн байгууллага руу шууд довтолж, УИХ-ын гишүүд нь өөрсдөө очиж улс төр хийдгээ боль. Хоёрдугаарт, бүлгийн, байнгын хороо, дэд хорооны чатад албан бус уулзалтыг зохион байгуулж өг гэдэг. Хэзээ ч УИХ-ын гишүүд хууль сахиулах байгууллага, шүүх эрх мэдлийн байгууллагатай албан бус уулзалт хийж болохгүй. Ямар горимоор мэдээллээ авсан нь мэдэгдэхгүй албан бус уулзалт хийж өгөөч гээд байх юм. Хүний эрх ярьж болно, хуулийн байгууллага ажлаа хий. Асуудал нь зөрчигдвөл шат шатанд нь хариуцлага ярьна. Хууль зүйн сайд буюу тухайн асуудал эрхэлсэн Засгийн газрын гишүүнийг даваад хууль сахиулах байгууллагын үүдэнд очдогоо болих хэрэгтэй. Сүүлийн үед Хууль зүйн сайд олон зүйлд хууль зөрчиж байгаа. Захиргааны ерөнхий хуулийн хэрэгжилтийг дураараа эвдсэн, Засгийн газрын бүрэн эрхэд халдсан, дураараа дүрэм журмыг хүчингүй болгосон. Цагдаагийн байгууллагын өмнөөс мэдээлэл хийж, хэргийн материал задалдаг. Үүнийг бид ном журмын дагуу УИХ-ын Дэгийн тухай хуулиар ярих ёстой" гэв.