Нийслэлийн зарим дүүрэгт өнгөрсөн шөнө өмхий үнэр үнэртсэн талаар иргэд цахим орчинд байр сууриа илэрхийлжээ.

Тэгвэл уг үнэр чухам хаанаас гарч байгаа талаар бид Улаанбаатар хотын шуурхай удирдлага, зохицуулалтын төвийн Ерөнхий диспетчер Г.Ганзоригтой холбогдож тодруулахад  "Улаанбаатар хотын шуурхай удирдлага, зохицууулалтын төв иргэдийн санал гомдлын хүлээн авч шуурхай арга хэмжээ авч ажилладаг. Харин одоогоор манайд өмхий үнэр гарсан талаар мэдээлэл бүртгэгдээгүй байна" гэх мэдээлэл өглөө.

Эргэн сануулахад 2024 оны нэгдүгээр сард нийслэлд угаарын хийтэй төстэй үнэр тархаж, иргэдийн дотор муухайрах, толгой өвдөх шинж тэмдэг илэрч байсан. Тухайн үед автомашины тос масло ил задгай асгасантай холбоотой үнэр гарсан гэж мэдэгдэж байсан билээ.