Н.УЧРАЛ: Өнөөдөр эрх шилжүүлэх журмыг баталсан

2025-02-26, 1268

Засгийн газрын өнөөдрийн хуралдаанаас гаргасан шийдвэрийг танилцууллаа. Энэ үеэр Засгийн газрын Хэрэг эрхлэх газрын дарга Н.Учрал "Өнөөдрийн Засгийн газрын хуралдаанаар Эдийн засгийн хөгжлийн яамнаас эрх шилжүүлэх журмыг баталсан. Энэ нь Зөвшөөрлийн хуулийг дагалдуулаад мэргэжлийн холбоо төрийн бус байгууллага, нийтийн эрх зүй хуулийн этгээдүүдэд Төрийн захиргааны төв байгууллага болон Төрийн захиргааны байгууллагууд, Зохицуулах хороод өөрийнхөөрөө зөвшөөрлийн зарим чиг үүргийг шилжүүлэх эрх зүйн үндсийг мөрдсөн учраас өнөөдөр эрх шилжүүлэх журмыг баталж байгаа юм. Нийтдээ 58 журам бүрэн цуцлагдсан. Хаврын чуулган дээр Зөвшөөрөл, мэдэгдлийн хуулийг өргөн мэдүүлнэ. Өнөөдрийн эрх шилжүүлэх журмын дагуу одоо хүчин төгөлдөр байгаа Зөвшөөрлийн хуульд заасан нийт 380 орчим зөвшөөрлийн 25 зөвшөөрлийг Төрийн бус байгууллага болон мэргэжлийн холбоод, нийтийн эрх зүйн хуулийн этгээдүүдэд шилжүүлэх боломж бүрдэж байна гэсэн үг" гэв.

Н.УЧРАЛ: Өнөөдөр эрх шилжүүлэх журмыг баталсан

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2025-02-27 12:09:26

Намшир Ч.: Зөөвшөөрөл авсан бол стандартаа мөрдөх нь хамаагүй байдал түгээмэл байна. дэлгүүр хуурамч архи дарс борлуулах, Хоолны газрууд-гаднаас сайн муу хүнс, тос авах, орчин бохир, барилгын компаниуд зогсоол, тоглоомын талбайгүй барилга барина гэх мэт . Хариуцлагыг чангатгах нь чухал. Мэргэжилийн хяналтын албыг зөв ажиллуулбал бид эрүүл хүнс хэрэглэнэ, аюулгүй орчинд амьдарна.