Засгийн газрын өнөөдрийн хуралдаанаар хаврын морин уралдааныг зохион байгуулах шийдвэрийг харьяа орон нутгийн удирдлагуудад хариуцуулах шийдвэр гаргасан. Тэгвэл үүнтэй холбоотойгоор нэр бүхий УИХ-ын гишүүд Засгийн газрын шийдвэрийг эсэргүүцэн мэдэгдэл хийлээ.

Энэ үеэр УИХ-ын гишүүн О.Саранчулуун “Би 13 настайдаа хурдан морины уяан дээр хөлөө гэмтээж байсан. Хөлөө гэмтээснээс найман сарын дараа ясны хорт хавдар гэсэн оношоор хөлөө тайруулсан. Яг үүнтэй адил хурдан морниы уралдааны үеэр гэмтэл авсан ч ахуйн осол гэж бүртгүүлсэн олон хүн байдаг. Та нар Гэмтлийн эмнэлгээр яваад үзээрэй. Ахуйн осол гэж бүртгүүлсэн иргэдийн хэд нь мориноос унаж бэртсэн бол доо. Бид энд “Яаж хүмүүсийг хөгжлийн бэрхшээлээс хамгаалах вэ” гэж ярьж байхад Засгийн газар иргэдээ гэмтэл, бэртэл рүү түлхсэн шийдвэр гаргалаа” гэсэн юм.