• Өнөөдөр 2025-04-04

Парламентын мэтгэлцээний үндэсний аваргууд тодорчээ

2024-12-23,   257

      Монгол Улсын Их Хурлын Тамгын газар, Монголын Мэтгэлцээний нэгдсэн танхим, Монгол Улсын Их Сургууль хамтран Парламентын мэтгэлцээний улсын аварга шалгаруулах 14 дэх удаагийн тэмцээнийг зохион байгууллаа. “Үндсэн хуульт ёс: Өнгөрсөн, одоо, ирээдүй” сэдвээр 10 их, дээд сургуулийн 36 баг оролцсон тус тэмцээнд Монгол Улсын Их Сургуулийн Олон Улсын Харилцааны сургуулийн 2-р курсын оюутан О.Энхжин, 3-р курсын оюутан О.Гантулга гишүүнтэй “Монад” баг түрүүлж,  МУИС-ийн Хууль зүйн сургуулийн 3-р курсын оюутан Б.Хонгорзул, Б.Ариунзаяа гишүүнтэй “Дайралцаан” баг удаалжээ.  
 
      Энэ удаагийн үндэсний мэтгэлцээний шийдэл нь Үндсэн хуульт ёсны сэдвээр өрнөж, татвар төлөлт, улс төрийн намуудын өрсөлдөх боломж, тайван жагсаал, цуглаан хийх эрх, газрын ховор элемент, ашигт малтмалын экспорт зэрэг асуудлыг хөндсөн байна. Мөн энэ өдрүүдэд Монголын мэтгэлцээний нэгдсэн танхим хурлаа хийж, шинэ ерөнхийлөгчөөрөө УИХ-ын Тамгын газрын дэд дарга Ү.Амарбатыг сонгожээ. Тэрбээр парламентын мэтгэлцээнд оролцогчдод хандаж амжилт хүсээд, цаашид оюуны мэтгэлцэх урлагийг хөгжүүлэхийн төлөө зүтгэхээ илэрхийлэн гадаад хамтын ажиллагааг идэвхжүүлж, олон улсын тэмцээнүүдэд багуудыг бэлтгэнэ гэв. 

Парламентын мэтгэлцээний үндэсний аваргууд тодорчээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.