Ч.ЛОДОЙСАМБУУ: АН-ын бүлгийн гишүүд Эрүүгийн хуулийн 13.14 дэх заалтыг хасах төслийг өргөн мэдүүлэхээр тогтсон

2024-12-23, 501

Ардчилсан намын бүлгийн хуралдаанаас гаргасан шийдвэрийн талаар мэдээлэл хийлээ. УИХ дахь Ардчилсан намын дарга О.Цогтгэрэл "Бүлгийн хуралдаанаар дөрвөн асуудал хэлэлцсэн. Нэгдүгээрт, Хууль зүй дотоод хэргийн яамнаас УИХ-д өргөн мэдүүлэхэд бэлэн болсон Хүний эрх эрх чөлөөг хангахтай холбоотой 11 багц хуулийн танилцуулгыг сонслоо. Үүнд хэвлэлийн эрх чөлөө болон жагсаал цуглаан хийхтэй холбоотой эрх чөлөөний хуулиуд орсон байгаа.

П.Сайнзориг нарын өргөн мэдүүлсэн Ажиллах хүчтэй холбоотой хуулийн төслийг Ардчилсан нам дэмжихгүй гэх байр сууриа илэрхийлсэн. Хуралдааны дундуур хуулийн төслийг буцаан татсан гэдэг мэдээлэл авлаа" гэлээ.

Хэвлэлийн эрх чөлөөний тухай хуулийн талаар УИХ-ын гишүүн Ч.Лодойсамбуу "УИХ-ын даргын захирамжаар байгуулагдсан Хэвлэл мэдээллийн эрх чөлөөг хангах талаар санал дүгнэлт гаргах ажлын хэсгийн ахлагчаар ажиллаж байна. Бид хэвлэлийн эрх чөлөөг хангахад хуулийн ямар асуудал байгаа талаар судалгаа хийлгэж байна. Судалгааны дүнг хүлээж байна.

Засгийн газраас өргөн барих гэж байгаа Хэвлэлийн эрх чөлөөний тухай хуулийг өнөөдөр яамнаас сэтгүүлчид дэмжсэн учраас хуулийн төслийг өргөн мэдүүлэхээр тогтсон гэдгээ танилцуулсан. Энэ хуулийн төслийг Ардчилсан намын бүлгийн гишүүд дэмжихгүй гэдгээ илэрхийлсэн. АН-ын бүлгийн гишүүд Эрүүгийн хуулийн 13.14 дэх заалтыг хасах төслийг өргөн мэдүүлэхээр тогтсон" гэлээ.

Ч.ЛОДОЙСАМБУУ: АН-ын бүлгийн гишүүд Эрүүгийн хуулийн 13.14 дэх заалтыг хасах төслийг өргөн мэдүүлэхээр тогтсон

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2024-12-26 13:23:20

мэдээлэл: Хэвлэлийн эрх чөлөө гэхээр хэн дуртай нь хараал урсгаж, гүтгэж гүжирдэж төр түмний дунд яс хаяж, дур зоргоороо авирлах явдал биш. Сэтгүүлч хүн хэнч ялгаагүй үнэн зөв бодитой мэдээлэл хийх үүрэгтэй. Зарим нь мөнгөнд худалдагдан үндэслэлгүй худал мэдээлэл нийгмийг бухимдуулж байна.