Л.ОЮУН-ЭРДЭНЭ: 16 жилийн хамгийн том улстөржсөн сэдэв ирэх долоо хоногт эхэлнэ

2024-12-20, 1234

Засгийн газрын ээлжит бус хуралдаанаар хэлэлцсэн асуудлын талаар Ерөнхий сайд Л.Оюун-Эрдэнэ мэдээлэл хийлээ.

Энэ мэдээллийн үеэр Ерөнхий сайд Л.Оюун-Эрдэнэ "Хөгжлийн банканд хэд хэдэн өөрчлөлт оруулахаар хуульд өөрчлөлт оруулна. Хөгжлийн банкыг экспортыг дэмждэг сонгодог эксем банк болгох хуулийн төслийг өргөн мэдүүлэхээр хэлэлцсэн. Өөрөөр хэлбэл, Үндэсний баялгийн сангийн хуримтлалыг томоохон мега төслүүд рүү чиглүүлэхийн тулд Хөгжлийн банкыг экспортыг дэмждэг эксем банк болгох нь зүйтэй. Засгийн газар анх 14 мега төслөө эхлүүлэхээр ярьсан. Үүний тулд "Хурдтай хөгжлийн зориг" гэрээг гурван нам хамтарч байгуулсан.

Үүнээс Эрдэнэбүрэнгийн усан цахилгаан станцын зээлийн хэлэлцээрийг Шанхайд хийж, хавар энэ төслийг эхлүүлэхээр болсныг та бүхэн мэдэж байгаа. Ингэснээр эрчим хүчний салбарт чухал нөлөө үзүүлэх юм. Саяхан Булангийн орнууд руу Засгийн газрын төлөөлөл айлчлал хийгээд ирсэн. Ер нь Монгол Улсыг эрчим хүчний том экспортлогч болох боломжтой. Ялангуяа говийн бүс нутаг эрчим хүчний томоохон экспортлогч болох боломжтой гэдгийг энэ үеэр ярьсан. 2030 оноос БНХАУ-д эрчим хүчний том хэрэглээ үүснэ. Үүн дээр том мега төсөл хэрэгжүүлэх боломжтой гэдгээ илэрхийлсэн.

Ирэх долоо хоногт Гашуунсухайт Ганцмод боомттой холбоотой "Чайна Энержи"-тэй хийх хэлэлцээр эрчим хүчний түүхэн эхлэл цэг болно гэдэгт итгэлтэй байна. 14 мега төслийн нэг болох Багануурын уурхайг түшиглэсэн Кокс химийн үйлдвэрийг байгуулах шийдвэр гаргасан. Цаашид 2-3 кокс химийн үйлдвэрийг төр, хувийн хэвшлийн түншлэлээр хийх боломж бүрдэж байна. Олон асуудлыг гол зангилаа нь эрчим хүчний асуудал. Тиймээс эрчим хүчний бүх төслийг дэмжихийн тулд 14 мега төслийг хийж байгаа юм. Энэ 14 төслийн 50 хувь нь эрчим хүчний салбар руу үлдсэн 50 хувь нь дэд бүтцийн салбар руу чиглэнэ. Олон жил гацсан Гашуунсухайт-Ганцмод чиглэлийн төмөр замын хил холболтын Засгийн газрын хэлэлцээрийг бид хэлэлцэж, Ирэх долоо хоногт УИХ-д өргөн мэдүүлэхээр болсон. Энэ төсөл 16 жил гацсан. Үүнийг удахгүй УИХ дээр нээлттэй ярилцсан боломж бүрдэж байна. Экспортыг боомилж байсан гол асуудал нээлттэй болж байгаа юм. Засгийн газар хоорондоо хэлэлцэл хийх боломж гарч байна. Мөн "Бадрах Энержи" төслийн хөрөнгө оруулалтын гэрээг мөн ирэх Лхагва гаригт УИХ-д өргөн барихаар тогтож байна. Энэ бол Оюутолгойн гэрээнээс хойших хоёр дахь том хөрөнгө оруулалтын гэрээ.

Бид энэ асуудлыг хойшлуулж байсан нь арванхоёрдугаар сарын 20-ны дүнг хүлээх, Улсын төсөв батлагдахыг хүлээх шаардалга байсан. Яагаад гэвэл ураны хөрөнгө оруулалтын гэрээн дээр 34 хувь байх уу, 10 хувь байгаад 34 хувь хүртэлхийг АМНАТ -өөр орлуулах уу гэдэг шийдвэрийг гаргахгүй бол болохгүй байсан. “Бадрах энержи” дээр хийгдэх гэрээний хувьд 10 хувь нь алтан хувьцаа байна. Монголын тал ямар нэг хариуцлага хүлээхгүй, 34 хувь хүртэлх буюу 24 хувь нь Хуримтлалын санд иргэдэд хадгаламж хэлбэрээр очиход АМНАТ орохоор том аргачлал руу орж байгаа. Энэ хэлэлцээр хийгдэж чадвал дараагийн хөрөнгө оруулалт нээгдэх юм. Иргэд аль төслийг эдийн засгийн үр өгөөжтэй, аль үр өгөөж багатай байгааг харж чаддаг болох юм.

Түүнчлэн төрийн өмчит компаниудын ашигтай, ашиггүйг нь ялгана. Ашиггүй ажилласан компаниудыг нэгтгэх, статусыг нь өөрчлөх байдлаар судалгаатай өөрчлөлт хийнэ. Том төсөл хөтөлбөрийг эхлүүлэхэд хэн нэгэн хүний эрх зөрчигдөх асуудал гардаг. Эрдэнэтийн 49 хувьтай холбоотой асуудал олон маргаантай асуудлыг дагуулж байсан. Хөгжлийн банк дээр ч ялгаагүй. Хэрвээ бондын төлөлтийг хийж чадаагүй бол дефолт болох эрсдэлтэй байсан. Нүүрстэй холбоотой асуудал ч мөн ялгаагүй дуулиан дэгдээсэн. Одоо Гашуунсухайт-Ганцмодын боомттой холбоотой асуудал сөхөгдөнө. Тиймээс гурав дахь этгээдээр зуучлахгүй Монгол Улсын Засгийн газар, БНХАУ-ын Засгийн газартай шууд олон улсын хэлэлцээр байгуулах боломжтой болсон. Ингэснээр Тавантолгой ХХК хэн нэгэнд өгөх өмнөх хэлэлцээр хүчингүй болж, зуучлагч байдлаар орж байсан 2-3 жуучлагч компани байхгүй болно. Нүүрс тээврийн компаниуд ч байхгүй болно. Тэгэхээр олон эсэргүүцэл тулгарна. Үндсэндээ 16 жилийн хамгийн том улстөржсөн сэдэв ирэх долоо хоногт эхэлнэ" гэлээ.

Л.ОЮУН-ЭРДЭНЭ: 16 жилийн хамгийн том улстөржсөн сэдэв ирэх долоо хоногт эхэлнэ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 6

Сэтгэгдэл үлдээсэн: 2024-12-22 22:57:26

Бадрах : Ерөнхий сайд Л.Оюун- Эрдэнэ Монгол Улсыг 14 том мега төслийг хийлгүүлж жишээ нь Богд уулыг нүхлэх зэрэг Хятадын өрийн хавханд оруулах том даалгавар авсан хулгайч түүнийг нэн даруй зайлуулах ёстой.
Сэтгэгдэл үлдээсэн: 2024-12-21 17:51:55

Иргэн: Андлалын хөшөө барих, нураахад зарцуулсан хөрөнгөний эх үүсвэрийн талаар ярина шүү
Сэтгэгдэл үлдээсэн: 2024-12-21 09:46:33

Зочин зочин: Оюунэрдэнэ та хурдас зайлж, ард түмэн биднийг амраагаад өгөөч ээ. Чамд худлаарярих, зальдах, хулгай хийхээс өөр зүйл байхгүй. Чи Тавантолгойтой, өөр бусад олон бизнесд хутгалдсан л юм байна шүү дээ. Одоо шоронд орохоосоо өмнө зайлуул, мангуу минь.
Сэтгэгдэл үлдээсэн: 2024-12-20 23:08:16

Зочин: Тер удирдах чадвар алга!!!
Сэтгэгдэл үлдээсэн: 2024-12-20 20:03:31

Zochin: Zugeer l ******** .OyunErdenee ********.Chamd medleg chadvar.bolovsrol bhgui.amni pangaar hudlaa chalchaad.Nymbaabar n ******** uom chin uulzsan bolgonoo zagnaad.Jenko gj hashgaraad.Odkargal.Bodiin Baysgalan gj tejeever hurganuudtai niileed mgld ymarch ashiggui ajil hgd ard tumen ulni bolj duuslaa.Bugd BUULIIDEEREI.zaaval zailuul.Ganjavhlang utaani esreg duugarahaar hamag uomiig n haagaad.komnizmiin uldegdel.nohoin gulugnuud ********.Nomt.Ganjablangiin haana ch hurch chadahgui ******** ******** .********.Zaaval ********.
Сэтгэгдэл үлдээсэн: 2024-12-20 20:03:31

Zochin: Zugeer l ******** .OyunErdenee ********.Chamd medleg chadvar.bolovsrol bhgui.amni pangaar hudlaa chalchaad.Nymbaabar n ******** uom chin uulzsan bolgonoo zagnaad.Jenko gj hashgaraad.Odkargal.Bodiin Baysgalan gj tejeever hurganuudtai niileed mgld ymarch ashiggui ajil hgd ard tumen ulni bolj duuslaa.Bugd BUULIIDEEREI.zaaval zailuul.Ganjavhlang utaani esreg duugarahaar hamag uomiig n haagaad.komnizmiin uldegdel.nohoin gulugnuud ********.Nomt.Ganjablangiin haana ch hurch chadahgui ******** ******** .********.Zaaval ********.

Шинэ мэдээ

Нийтлэлчид