Чуулганы нэгдсэн хуралдаанаар Засгийн газраас нэн яаралтай горимоор хэлэлцэх Төсвийн тухай хуульд нэмэлт оруулах тухай хуулийн төслийг хэлэлцүүлж УИХ-ын гишүүд асуулт асууж, хариулт авч байна.

Энэ үеэр УИХ-ын гишүүн Ж.Золжаргал "Төсвөө баталж чадахгүй бол яах вэ гэдэг асуудлыг ярьмаар байна. Оноос өмнө төсвөө баталж чадахгүй бол тэтгэвэр тэтгэмжийг, цалин хөлсийг хамгийн багаар өгнө гээд Б.Жавхлан сайд айлгаад байсан.Сая Ц.Даваасүрэн гишүүн төсвөө баталж чадахгүй бол орон нутгийн ИТХ тарах эрсдэлтэй гээд айлгаад байна. Ийм айдастай баталж болохгүй шүү дээ. Тиймээс Төсвийн хуульд байгаа 41.4-т байгаа  хугацаандаа төсвөө баталж амжихгүй бол цалин, тэтгэврийг хөдөлмөрийн хөлсний доод хэмжээгээр гэснийг өмнөх оны түвшинд болгож өөрчлөх санал гаргамаар байна. Төсвийн цаана эдийн засгийн загвар, Монгол Улсын эдийн засаг явж байгаа шүү дээ. Энэ хуулин дэээр сайн сууж ажилладаг боломжийг нь бүрдүүлмээр байна" гэлээ.

УИХ-ын гишүүн Д.Амарбаясгалан "Есдүгээр сарын 1-ээс хойш гурван сарын хугацаанд бид төсөвтэй холбоотой асуудлаар бид ярьж байна. Тэгэхэд та ингэж хариуцлагагүй зүйл ярьж болохгүй. Уншиж, судлах боломж олдохгүй байна гэж болохгүй шүү. Өмнө хэлэлцсэн төсөв дээрээ ажиллаж байгаа. Харин бид  одоо хариуцлагатай хандах ёстой. Таны хэлж байгаагаар ирэх жил цалин, тэтгэвэр нэмэхгүй байх санал гаргаж байна. УИХ-ын гишүүд хуулиар хүлээсэн үүргээ биелүүлэх ёстой" гэлээ.