Чуулганы нэгдсэн хуралдаан үргэлжилж байна. Хуралдаанаар Засгийн газраас нэн яаралтай горимоор хэлэлцэх Төсвийн тухай хуульд нэмэлт оруулах тухай хуулийн төслийг хэлэлцүүлж УИХ-ын гишүүд асуулт асууж, хариулт авч байна.

УИХ-ЫН ГИШҮҮН С.ГАНБААТАР: Төсвийн тогтвортой байдлын зөвлөлөөс өргөн мэдүүлсэн зөвлөмжтэй төстэй зүйл Ерөнхийлөгчийн хоригт орж ирж байхад ялгавартай хандаж байна. Ерөнхийлөгчийн хоригийн хүлээж байсан юм шиг байна. Төсвийг 70 гаруй хоног хэлэлцэж байхад Ерөнхийлөгчийн зүгээс яагаад ганц үг дуугараагүй юм бэ. Ингээд дөрвөн удаа хэлэлцсэний дараа шууд хориг тавьж байгаа юм бэ. Ерөнхийлөгч Сангийн сайд хоёрын өрөөний хооронд ганцхан давхар бий шүү дээ. Энэ хооронд уулзах зав байгаагүй юм уу. Яагаад арванхоёрдугаар сард гарч байхад хориг тавьж байгаа юм бэ. Төсвийн зардал алдагдалтай байгаа нь нэргүй татвар шүү дээ. Ингээд иргэд, аж ахуйн нэгж, татвар төлөгчид хүүтэй төлдөг юм.

ТӨСВИЙН БАЙНГЫН ХОРООНЫ ДАРГА Ц.ДАВААСҮРЭН: Одоо хэлэлцэж байгаа хууль бол 2025 оны төсөв биш шүү. Төсвийг дахиад ороод ирэхэд ямар дэгээр хэлэлцэх вэ гэдгээ хуульд оруулж байгаа юм. Төсөвтэй холбоотой асуудал гурав дахь өдөр орно.