УИХ-ын чуулганы нэгдсэн хуралдаанаар Төсвийн тухай хуульд нэмэлт, өөрчлөлт оруулах хуулийн төслийн анхны хэлэлцүүлгийг хийж байна. Хэлэлцэж буй асуудалтай холбоотой гишүүд асуулт асууж хариулт авлаа. 

УИХ-ЫН ГИШҮҮН Н.НАРАНБААТАР: Хэрвээ УИХ-ын төсвөө батлах явц хойшилж, оны эцсээр эсвэл он гараад явчихвал яах вэ. Үүний араас аймаг, нийслэл, сум дүүргийн ИТХ хуралдаж төсвөө батлах ёстой. Нэгжийн хуулиндаа хугацаандаа төсвөө баталж чадаагүй бол ИТХ бүрэн бүрэлдэхүүнээрээ огцорно гээд заачихсан байгаа шүү дээ. УИХ төсвөө батлахгүй бол аймаг, нийслэл, сум, дүүргийн ИТХ тарах болчихоод байна

УИХ-ЫН ДАРГА Д.АМАРБАЯСГАЛАН: Энэ одоогийн өөрчлөлт нэг удаагийн хууль биш. Цаашид байнга мөрдөгдөх хууль. Төсвийн жил гэдэг бол нэгдүгээр сарын 1-ээс эхэлдэг. Төсвийг цаашид он дамнаж хэлэлцдэг байж болохгүй. 

ТӨСВИЙН БАЙНГЫН ХОРООНЫ ДАРГА Ц.ДАВААСҮРЭН: Засаг захиргаа, нутаг дэвсгэрийн нэгжийн тухай хуулийн 36-т төсвөө баталж чадахгүй бол аймаг, сум, дүүргийн ИТХ тарна гэх заалттай. Тиймээс энэ хуулийг ондоо багтааж баталж, төсвөө батлахаас өөр аргагүй. Арванхоёрдугаар сарын 10 гэхэд Их хурал төсвөө баталж, 20-ны дотор аймаг, нийслэл ИТХ баталж, ондоо багтааж сум, дүүрэг төсвөө батална.