УИХ-ын чуулганы нэгдсэн хуралдаанаар  Улс төрийн намын тухай хууль /Шинэчилсэн найруулга/-ийг дагаж мөрдөх журмын тухай хуульд өөрчлөлт оруулах тухай хуулийн төслийг хэлэлцүүлж байна. 

2023 оны долдугаар сарын 7-нд баталсан Улс төрийн намын тухай хуулийг энэ оны нэгдүгээр сарын 1-ээс хүчин төгөлдөр үйлчилж мөрдөж эхэлэхээр хуульчилсан. Хууль хүчин төгөлдөр хэрэгжиж эхэлснээр Улс төрийн намын тухай хуульд нийцүүлэх арга хэмжээг долдугаар дугаар сарын 1-ээс хойш зургаан сарын дотор авч хэрэгжүүлэх бөгөөд уг өөрчлөлтийг Улсын дээд шүүхэд 30 хоногийн дотор хүргүүлэх эрх зүйн зохицуулалтыг тусгаад байгаа юм. Улс төрийн намын дүрмийн шинэчлэл нь гишүүдийн идэвх оролцоог хангахыг шаардсан өргөн хүрээний өөрчлөлтийг хамарч байгаа тул хүн хүч, цаг хугацаа, хөрөнгө санхүү, зохион байгуулалт, төлөвлөлтийг шаардсан төдийгүй тодорхой шат дамжлага бүхий бэлтгэл ажлыг хангахгүйгээр шууд хэрэгжүүлэх боломжгүй асуудал үүсэж байна гэж хуулийн төсөл санаачлагчид үзэж өөрчлөлт оруулахаар өргөн мэдүүлээд байгаа юм. Хэлэлцэж буй асуудалтай холбоотой УИХ-ын гишүүн асуулт асууж, хариулт авч байна. Энэ үеэр УИХ-ын гишүүн С.Цэнгүүн "Манай намын гишүүд над руу “Одон медаль хөөцөлдөөд өгч болох уу” гээд залгаж байна. Социализмын үеийн одон медалиа одоо болих хэрэгтэй. Арванхоёрдугаар сар үнэ цэнгүй болчихсон медаль тарааж, түүнийг нь олж өгсөн УИХ-ын гишүүнийг сайн хүн гэж ойлгодог болчихсон байна. Үүнийгээ болох хэрэгтэй" гэв.