УИХ-ын Тамгын газрын дэд дарга Э.Лхагвын Боловсролын яамны ТНБД Х.Батжаргал руу хүргүүлсэн “Битүүн шөл”-ний албан бичиг олон нийтийн анхааралд өртөж, шүүмжлэл дагуулаад байна. Тодруулбал, Анхдугаар Үндсэн хууль баталсны 100 жилийн ой арваннэгдүгээр сарын 26-нд тохионо. Эл өдөр бүх нийтээр амарч, ёслол төгөлдөр тэмдэглэхээр УИХ-ын Тамгын газраас бэлтгэж байгаа аж. Иймд айл, өрхүүдийн баярын ширээний гол хоолыг “Битүү шөл” байхаар санаачилж, сурагчдын гэрийн даалгаварт уг хоолыг гэр бүлээрээ хийх даалгавар өгөхийг уриалжээ.

Тэгвэл бид “Битүү шөл” хийх даалгаврыг санаачилж, Боловсролын яаманд албан бичиг хүргүүлээд байгаа УИХ-ын Тамгын газрын дэд дарга Э.Лхагва гэж хэн бэ гэдгийг танилцуулж байна.

            Эрдэнийн Лхагва нь Улсын Ерөнхий прокурор асан М.Энх-амгалангийн хүргэн. Тэрбээр Соёлын сайд Х.Номингийн “Монгол телевиз”-ийн Мэдээний албаны ерөнхий продюсер, “Нүүдэл шийдэл” нэвтрүүлгийн хөтлөгчөөр ажиллаж байсан. Харин М.Энх-Амгаланг Ерөнхий прокурор байх үед буюу 2018 онд анх “Оюу толгой” ХХК-д зөвлөхөөр ажилд орж, улмаар Хамтын ажиллагаа, мэдээлэл, харилцааны газрын Ерөнхий менежерээр ажиллаж байгаад иөнгөрсөн намар УИХ-ын Тамгын газрын дэд даргаар томилогдсон.