НАСААРАА ТӨРӨӨР ТЭЖЭЭЛГЭСЭН Ц.ДАВААСҮРЭН ИРГЭДИЙН МӨНГӨӨР ХӨВСГӨЛИЙН СУМ БҮРД БЯСЛАГЫН ҮЙЛДВЭР БАРИХ НЬ ЗӨВ ҮҮ 

      Даргаас буудаггүй Ц.Даваасүрэнг улстөрчид хажиглаж эхэллээ. 2025 оны улсын төсөв хэт данхар, алдагдал ихтэй батлагдсантай холбоотойгоор түүнийг Төсвийн байнгын хорооны даргаас нь буулгах асуудал олон хоног яригдаж байна. Насаараа шахуу төрд улайрч, түүнийхээ хариуд ихийг "идсэн" Ц.Даваасүрэнтэй улс төрийн томчууд өстөн болчихоод байгаа нь ердөө л төсөвтэй холбоотой. Ц.Даваасүрэн Төвсийн байнгын хорооны дарга мөртлөө  өөрийнхөө төрлөх нутаг Хөвсгөл аймгийнхаа сум тус бүрд бяслагын үйлдвэр барина хэмээн их хэмжээний төсөв батлуулж, Төсвийн байнгын хорооны даргын суудлаа өгөх эсэх дээрээ тулаад байгаа юм. Ц.Даваасүрэнгийн шунал, зөнөглөлийн төлөөсийг ард түмэн төлөх ёсгүй хэмээн иргэд шүүмжлэлттэй хандаж буй. УИХ-ын гишүүн Н.Номтойбаяр “Төсвийн Ажлын хэсэг ажлаа хийгээгүй. Энэ бүх асуудал Ц.Даваасүрэн гишүүн дээр очино. Үндсэн хуулиар олгогдсон УИХ-ын бүрэн эрх зөрчигдөж байна. Та Засгийн газрын Бүрэн эрхт төлөөлөгч биш. Таныг Төсвийн байнгын хорооны дарга байгаа цагт төсвийн тодотгол хийх асуудал амжилт олохгүй. Энэ асуудал гөлөг төөрүүлж байгаа юм шиг болно. Тантай УИХ-д олон жил сууж байна. Ажлын чинь арга барил, залийг чинь сайн мэднэ. Тэгэхээр МАН-ын бүлэг хариуцлагын асуудлаа дотроо ярьчихмаар байна. Төсвийн байнгын хорооны гишүүд даргаа зайлуулчихмаар байна” хэмээн чуулганы танхимаас мэдэгдсэн. Мөн өгчидөр түүний байнгын хороо дээрээ дэмжүүлсэн АМНАТ-ыг есөн хувь болгох саналыг Аюулгүй байдал, гадаад бодлогын байнгын хорооны гишүүд 100 хувийн саналтайгаар эсэргүүцэж, дэмжээгүй. Төсөв батлагдах үеэр ажлаа хийгээгүй, аливаа ажилд гөлөг төөрүүлж байгаа юм шиг хандаж, хувийн ашиг сонирхлоо гүйцэлдүүлсэн гэх шалтаанаар түүнийг улс төрийнхөн шахаж эхлээд байгаа юм. Харин тэрбээр нэгэн ярилцлагадаа “Жил бүрийн төсөв дуулиан шуугиантай батлагддаг. Зөвхөн энэ жилийн төсөв иймэрхүү дуулиантай, алдагдал ихтэй батлагдсан юм биш. Төсөв батлагдах үеэр тодотгол хийх боломж тун ховор байлаа. Орон нутгийн сонгууль болсонтой холбоотойгоор гишүүд хөдөө явсан. Бидэнд цаг хугацаа байсангүй” хэмээх өөрийгөө өмөөрсөн тайлбар өгч байсан.

МАН-ЫНХАН Ц.ДАВААСҮРЭНГЭЭС АЙСАНДАА БАРИЛГА, ХОТ БАЙГУУЛАЛТЫН ЯАМНЫХАА 10 ХУВИЙГ ӨГСӨН ҮҮ 

      Тэрбээр 2008 оноос хойш тасралтгүй гишүүнээр сонгогдож, хамгийн олон жил гишүүнээр сонгогдсон улстөрчдийн тэргүүн эгнээнд багтдаг. УИХ-ын гишүүн болохоосоо өмнө мөн л төрийн албанд ажиллаж байсан нэгэн. Тодруулбал, тэрбээр төвийн эрчим хүчний системд автоматикийн инженерээр ажлын гараагаа эхлүүлсэн байдаг. Дараа нь Сангийн яаманд мэргэжилтэн, хэлтсийн дарга, Санхүү, эдийн засгийн яамны Төрийн сангийн газрын дарга, Боловсролын яамны санхүү эдийн засгийн газрын дарга, Шадар сайдын эдийн засгийн зөвлөх гээд анхнаасаа л төрд санаархсан нэгэн. Тэр ч утгаараа түүнийг УИХ-ын гишүүнээс нь гадна байнга сайд юм уу, байнгын хорооны дарга болгосоор ирсэн. Тэрбээр улс төрийнхөн дундаа “10 хувийн” гэх хочоороо алдартай. Учир нь, МАН-ынхан хэл ам ихтэй Ц.Даваасүрэнд Барилга хот, байгуулалтын яамныхаа 10 хувийг өгсөн гэдэг. Тэрбээр сайд болохоосоо өмнө үг хэлэх болгондоо Засгийн газраа шүүмжилж, Сангийн сайдыг огцруулах тухай ярьсаар байгаад сарын дараа Барилга, хот байгуулалтын сайд болсон түүхтэй. Өөрөөр хэлбэл, МАН-ынхан түүний амыг 10 хувиар тагласан гэсэн үг. Улс төрд 20-иод жил болж буй түүнд ашиг сонирхолын зөрчил их бий. Тухайлбал, нүүрсний хэд хэдэн компанитай нэр холбогддог.