УИХ-ын гишүүн асан П.Анужин Ерөнхий сайд Л.Оюун-Эрдэнэд зөвлөхөөр болжээ. Энэ талаар Засгийн газрын хэвлэл мэдээлэл олон нийттэй  харилцах хэлтсээс тодруулахад "Ерөнхий сайдад зөвлөхөөр болсон нь үнэн" гэх мэдээлэл өгөөд байна.

    УИХ-ын гишүүн асан П.Анужингийн хувьд 2024 оны сонгуульд Ерөнхий сайд Л.Оюун-Эрдэнэтэй хамт зүүн бүс буюу VI тойрогт нэр дэвшсэн ч, унасан юм. Харин түүнийг Ерөнхийлөгчийн зөвлөх болон консулаар томилох болсон талаар мэдээллүүд гарч байсан ч үгүйсгэж байсан удаатай. 

Тэгвэл 2024 оны есдүгээр сараас эхлэн Ерөнхий сайдын зөвлөхүүд хариуцсан чиглэлгүй болсон ба Засгийн газрын ирэх дөрвөн жилийн үйл ажиллагааны хөтөлбөрт тусгасан 14 мега төслийг  хариуцаж ажиллах үүрэг Ерөнхий сайд өгсөн байна. Харин П.Анужингийн тухайд Гүйцэтгэх засаглалын тэргүүний 12 зөвлөхийн нэгээр томилогдсон гэдгийг мэдэгдээд байна.