УБЕГ-ын дарга Д.Дэлгэрсайхан архидан согтуурсан үедээ албан өрөөндөө хүн зодож танхайрсан гэх мэдээлэл гараад буй. Тэгвэл энэ талаар Цагдаагийн ерөнхий газраас "Сүхбаатар дүүргийн 11 дүгээр хороо УБЕГ-ын орчимд зодуулсан хүн ГССҮТ-д хүргэгдсэн. Уиеийн байдал хэвийн байгаа" гэх мэдээлэл өгөөд байна. Тэгвэл албан өрөөндөө архидан согтуурч, танхайрсан УБЕГ-ын дарга Д.Дэлгэрсайхан гэж хэн болох талаар танилцуулж байна.

      Д.Дэлгэрсайхан нь Программ зохиогч инженер, эрх зүйч мэргэжилтэй. Д.Дэлгэрсайхан нь УИХ-ын гишүүн, Батлан хамгаалахын сайд С.Бямбацогтын тавиул. 

    Тодруулбал, УБЕГ-ын дарга Д.Дэлгэрсайхан урьд нь УИХ-ын гишүүн, Батлан хамгаалахын сайд С.Бямбацогтын “Ньюпрогресс групп” ХХК-ийн Дэд Ерөнхийлөгчөөр ажилладаг байсан. Харин Д.Дэлгэрсайханыг Дэд ерөнхийлөгч байх үед С.Бямбацогт өөрөө “Ньюпрогресс групп” ХХК-ийнхаа Ерөнхийлөгчөөр ажилладаг байв. Мөн Д.Дэлгэрсайхан “Ньюпрогресс групп” ХХК-ийн охин компани болох “Эй Ти инженеринг” ХХК-ийн 40 хувийг 2014 оноос хойш одоог хүртэл эзэмшдэг.