Ерөнхий сайд Л.Оюун-Эрдэнэ БНХАУ-ын  “Хятадын олон улсын импортын VII экспо”-т оролцох үеэр   Харилцаа холбооны салбарын хүртээмж, чанар, хяналтыг сайжруулах төслийн тусгайлсан зээлийн хэлэлцээрт гарын үсэг зурсан байна. Улмаар БНХАУ-ын Huawei компанитай хамтарч гурван шилжилтийг хэрэгжүүлэх ажлын хэсэг байгуулсан хэмээн мэдээллээд байгаа юм.

       Харин энэ талаар УИХ-ын гишүүн Ч.Анар "Үндэсний аюулгүй байдалд халтай, байж болохгүй асуудал" хэмээн байр сууриа илэрхийлсэн юм. Харин УИХ-ын гишүүн Э.Болормаа Ч.Анар гишүүнийг "Жудаггүй байна" хэмээн шүүмжиллээ.

Тэрбээр "Ч.Анар гишүүн энэ айлчлаын бүрэлдэхүүнд байсан. Хөтөлбөрийг нь харсан.  Huawei компанид очихыг хүртэл мэдэж байсан. Гэтэл өмнөх өдөр нь гэнэ айлчлалд оролцохоо больсон. Ингээд бид айлчлалаа хийж байх хооронд ийм мэдэгдэл хийсэн нь жудаггүй юм уу даа гэж харсан. Энд Монгол Улсын мэдээллийг энэ компаниар дамжуулж ярих талаар яриагүй. Дэлхийн том компаниас суралцах талаар ажлын хэсэг байгуулах тухай л яригдсан. Ийм хэмжээний шийдвэр гаргахад Засгийн газрын хуралдаанаар орж, Үндэсний аюулгүй байдлын зөвлөлийн хуралдаанаар орж байж шийдэгдэх асуудал. Зүгээр нэг твитерийн хэрүүл биш" гэлээ.