УИХ-ын чуулганы өнөөдрийн хуралдаанаар 2025 оны төсвийн эцсийн хэлэлцүүлгийг хэлэлцэж байна.

            Үүнтэй холбоотойгоор УИХ-ын гишүүн Ч.Лодойсамбуу "Сонгуулиас хойш таван сар өнгөрлөө. Бид хэзээ гишүүн болж, гишүүний ажлаа хийж эхлэх юм бэ. Төсөв ингэж хэлэлцдэг юм уу. Төсвийн хэлэлцүүлгийн үеэр ямар ч зарчмын зөрүүтэй санал оруулаагүй, ямар ч ажлаа хийгээгүй явчихаад, яг баталдгийн даваан дээр гарч ирээд төсвийг буцааж татах байдлаар улс төр хийдэг, араас нь захиа шиддэг. Парламентын гишүүн үндсэн ажлаа хийх ёстой. Дөрвөн долоо хоног төсөв хэлэлцэж байхад зарим гишүүн хаана байсан юм бэ. Төсвийг хэмнэх тухай цаасан дээр нэр нь байгаа гишүүдээс Ж.Баярмаа, Д.Цогтбаатар гээд тоотой хэдэн хүмүүс л хэлэлцүүлгийн үеэр зарчмын зөрүүтэй санал гаргаад Байнгын хороон дээр дэмжигдэх  нь дэмжигдээд явсан. Гэтэл цаасан дээр гарын үсэг зурсан байгаа хүмүүс дотор төсвийн зардлыг улам нэмье гэж гүйгээд, тэр нь бүтэхгүй болохоор буцаагаад тат гэх саналтай хүмүүс ч багтчихсан байна. УИХ-ын гишүүд үндсэн ажлаа хиймээр байна" гэв.