• Өнөөдөр 2026-07-03

ХӨГЖЛИЙН БАНКНЫ ГҮЙЦЭТГЭХ ЗАХИРЛААР ТОМИЛОГДСОН З.НАРАНТУЯА ГЭЖ ХЭН БЭ

2024-11-08,   2094

 Монгол Улсын Хөгжлийн банкны ТУЗ-ийн шинэчлэгдсэн бүрэлдэхүүн 2024 оны арвэннэгдүгээр сарын 7-ны өдөр хуралдаж, З.Нарантуяаг Гүйцэтгэх захирлаар томилжээ. Улмаар Хөгжлийн банкны Гүйцэтгэх захирлаар ажиллаж байсан Ж.Батаа  өөрийн хүсэлтээр ажлаас чөлөөлөгдөж байгаа аж. Тэгвэл Хөгжлийн банкны гүйцэтгэх захирлаар томилогдож байгаа З.Нарантуяа гэж хэн бэ гэдэг мэдээллийг хүргэж байна.
 
      УИХ-ын гишүүн асан, З.Нарантуяа- Завхан аймгийн Алдархаан сумын уугуул. “Монгол шуудан” банкны дэд захирал, “Хадгаламж” банкны гүйцэтгэх захирлын орлогчоор ажиллаж байгаад 2012-2014 онд УИХ-ын дарга З.Энхболдын Эдийн засгийн зөвлөх, Ардчилсан эмэгтэйчүүдийн холбооны дэд тэргүүн, Завхан аймгийн АН-ын дарга гэх гурван давхар сэтэр зүүж, төрд орох замаа зассан. Дараа нь 2014-2016 онд Санхүүгийн зохицуулах хорооны даргаар ажиллаад 2016 онд УИХ-ын гишүүнээр Завханаас сонгогдож байв.
 

“ЖАСТ”-ЫН Ш.БАТХҮҮГИЙН “ЦЭРЭГ” ЯВСАН З.НАРАНТУЯА

 

     З.Нарантуяа “Жаст групп”-ын эзэн, “Эрдэнэт үйлдвэр”-ийн “эзэн” шахуу байсан Ш.Батхүүгийн “Хадгаламж” банкны гүйцэтгэх захирлын орлогч, мөн түүний “Меркентайл хаус азиа” ББСБ-ын гүйцэтгэх захирлаар ажиллаж байсан нь улс төрд орох давуу тал нь болсон. Нөгөөтээгүүр, З.Нарантуяагийн нөхөр Д.Баяндүүрэн нь 2006 оноос хойш Сонгуулийн ерөнхий хорооны Ажлын албаны даргаар ажиллаж байгаа нь өдий хүртэл АН-д тоогдож яваа шалтгаан нь гэдэг.  

      Бизнесийн тухайд, З.Нарантуяа УИХ-ын гишүүн С.Одонтуяагийн хүү Ө.Үнэнбүрэнтэй “Эн Би Ди И” ХХК-ийг хамтран эзэмшдэг. Мөн нөхөр Д.Баяндүүрэнтэйгээ “Парита энд партнерс” ХХК, “Баясгалант бичигт” ХХК-уудыг хамтран эзэмшдэг. 
 

З.НАРАНТУЯА 1.5 ТЭРБУМ ТӨГРӨГИЙН ХАДГАЛАМЖТАЙ

      Түүний хөрөнгө орлогын мэдүүлгээс харахад хадгаламжийн хэмжээ нь 1.5 тэрбум төгрөгт хүрчээ. Тодруулбал, 2023 оны хөрөнгө орлогын мэдүүлэгтээ:
 
Нийт орлого: 53 сая төгрөг
Гэр бүлийн орлого: 81 сая төгрөг
Хадгаламжийн хэмжээ: 1.5 тэрбум төгрөг 
Тээврийн хэрэгсэл:160 сая
Үнэт эдлэл: 130 сая
Мал аж ахуй: 7 сая төгрөг гэж мэдүүлжээ.

ХӨГЖЛИЙН БАНКНЫ ГҮЙЦЭТГЭХ ЗАХИРЛААР ТОМИЛОГДСОН З.НАРАНТУЯА ГЭЖ ХЭН БЭ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1
  • Сэтгэгдэл үлдээсэн: 2024-11-08 15:04:10
    Оюун: Өлхөн хийх эмэгтэй!
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.