Ерөнхий сайд Л.Оюун-Эрдэнэ БНХАУ-ын Худалдааны яам, Шанхай хотын Ардын Засгийн газраас жил бүр зохион байгуулдаг “Хятадын олон улсын импортын VII экспо”-т оролцож байгаа юм. Энэ үеэр тэрбээр  Харилцаа холбооны салбарын хүртээмж, чанар, хяналтыг сайжруулах төслийн тусгайлсан зээлийн хэлэлцээрт гарын үсэг зурсан байна. Улмаар БНХАУ-ын Huawei компанитай хамтарч гурван шилжилтийг хэрэгжүүлэх ажлын хэсэг байгуулсан талаар мэдээллээ байна. Харин энэ талаар УИХ-ын гишүүн Ч.Анар Үндэсний аюулгүй байдалд сөрөг нөлөөтэй хэмээн шүүмжилжээ.

Тэрбээр энэ талаар цахим хаягтаа "Үндэсний Аюулгүй байдал болон Гадаад бодлогын  үзэл баримтлалд халдсан байж болохгүй санал санаачилга байна. Иргэний болон Дэд бүтцийн мэдээллийн аюулгүй байдал бол Тусгаар тогтнолын баталгаа хаана байна" хэмээн жиргэсэн байна.