Үнэн ба зөв намын дарга А.Отгонбаатар УИХ-ын гишүүн Ш.Адьшаагийн зөвлөх болсон тухай мэдээлэл гараад байгаа. Тодруулбал, УИХ-ын гишүүн Ш.Адьшаа зөвлөхөөр ажиллуулах албан бичгээ 2021 оны нэгдүгээр сарын 19-нд  УИХ-ын Тамгын газарт хүргүүлжээ.

Энэ талаар Үнэн ба зөв намын дарга А.Отгонбаатар цахим хуудсаараа дамжуулан “Би УИХ-ын гишүүний ажил, хуулийн төслийг мэдэж, туршлага суухын тулд Ш.Адьшаа гишүүнд зөвлөх нь болох тухай саналаа хэлсэн. Намайг өөр нам гэж үзэлгүй итгэсэнд нь баярласан. Энэ явдал өчигдрийн жагсаалтай холбоогүй гэдгийг хэрсүү монголчууд мэдэж байгаа. Би хэн нэгний зөвлөх боллоо гээд үнэний төлөөх тэмцлээ зогсоож болохгүй” гэжээ.

УИХ-ын гишүүн Ш.Адьшаагийн зөвлөхөөр ирэх хоёрдугаар сарын 1-нээс эхлэн ажиллах аж.

Тэрбээр амаржаад удаагүй эхийг ХӨСҮТ рүү зөөвөрлөхдөө хүнлэг бус хандсан явдалд эсэргүүцлээ илэрхийлж, төв талбайд углааш, халаадтай жагсаал эхлүүлсэн юм. Мөн 2020 онд УИХ-ын сонгуульд Шинэ эвсэл намд нэгдэн, Өвөрхангай аймагт нэр дэвшиж байжээ.