Сүүлчийн саруудад ОХУ болон АНУ-ын таарамжгүй харилцаа улам даамжирч, ОХУ албан ёсоор АНУ, Чех Улсыг "нөхөрсөг бус" орон хэмээн зарлажээ. ОХУ-ын Ерөнхий сайд Михаил Мишустин "Эдгээр улс ОХУ болон иргэд, аж ахуйн нэгжүүдэд "найрсаг бус үйлдэл" гаргасан" хэмээн мэдэгдсэн байна. Энэхүү алхам нь улс хоорондын харилцааг хурцадмал байдалд хүргэнэ хэмээн Чехийн эрх баригчид, Европын холбоо анхааруулж буй. 

Чехийн элчин сайдын яам "Эл шийдвэр хоёр улсын иргэд, бизнес, аялал жуулчлалд шууд нөлөөлнө" хэмээн нэмж анхааруулжээ. АНУ-ын Ерөнхийлөгч Жо Байден суудлаа авснаас хойш, АНУ-ын Ерөнхийлөгчийн сонгуульд ОХУ-ын тагнуулчид Дональд Трампын талд ажилласан гэх мэдэгдэл хийснээр хоёр улсын харилцаа хурцадмал байдалд шилжээд байсан билээ.