МҮБХ-ны тэргүүн Ц.Магалжав,  “White.mn” сайтын захирал Б.Бурмаа нар хамтран ажиллах санамж бичигт гарын үсэг зурлаа.  Тус санамж бичиг байгуулснаар МҮБХ болон “White.mn” сайт хамтран дараах ажлуудыг хэрэгжүүлэх юм. Үндэсний бөхийн талаар эерэг мэдээлэл түгээнэ. Үндэсний бөхийг түгээн дэлгэрүүлэх ажлын хүрээнд контент бэлтгэх юм.

     Бөх болон жаяг дэгийн багийн гишүүдийн үйл ажиллагааг сурталчлан таниулна. Үндэсний бөх сонирхогч үзэгч эмэгтэйчүүдийн тоог нэмэгдүүлэх зорилгоор “Бөхөө хүндэлдэг эмэгтэйчүүд” төсөл хэрэгжүүлэх ажээ. Хүүхэд залуусыг үндэсний бөх сонирхох эрмэлзлэлийг нэмэгдүүлэх ажлыг хийнэ. Бөхчүүд жаяг дэгийн багийн гишүүдийн дунд олон талт арга хэмжээг зохион байгуулахаар шийдвэрлэж байна.