-МАНЖ АМБАН-

        Мөн түүний нэг зэвүүн дүр бол “Зүрхний хилэн” киноны Манж амбан.  Хилэнтэй Манж амбаны дүрийг мадаггүй сайн гаргаж, хятад хүний дотуур тамиртай, өнгөн дээрээ эелдэг зөөлөн хандавч угтаа хорон санааг нарийн сайн боловсруулдаг занг чадварлагаар бүтээсэн. Манж хэлээр тун сайн ярьж байсны тухайд өөрөө “Сарын хугацаанд сургалтад суусан. Манж хэл сурах хамгийн хүнд байсан” гэсэн. Найруулагчаас оноосон дүрээ сайн гаргахын тулд тэр өөрийгөө бүрэн дайчилж, юу шинээр сурч мэдэж, эзэмшинэ тэр бүгдийг сурч байж өв тэгшээр бүтээдэг болохоор үзэгчдийн сэтгэлд үлддэг болов уу.                     

      Ийн бид өөрийгөө эвдэж, эсрэг дүрийн тавцан дээр өнөөдөр ч дээгүүр өрсөлдсөөр буй гурван дүрийг нь онцоллоо. Мэдээж “37-р Точка” киноны Лутаа, “Параллель ертөнц”-ийн тогооч, “Код” киноны залуу гээд олон дүрийг нь мэдэх билээ.

ДАРААГИЙН ЗЭВҮҮН ДҮР ЮУ БАЙХ БОЛ...

          Одоо харин дараагийн дүр юу байх бол... Тэрбээр Монголын хүүхдийн ордны дугуйланд тавдугаар ангиасаа явж эхэлснээс хойш урлагийн хүн болох далай шиг хүсэлд давалгаалж, өнөөдөр ч долгисолж яваа. Жүжигчнээр суралцаж байх хугацаандаа өөрийгөө илүү нээж, задлах талбараа C1 телевизээс эхэлж, хөтлөгчөөр ажилласан байдаг. Өөртөө байгаа цучил мэт хүсэл мөрөөдөл, авьяас, мэдрэмжээ өрдөж, улам дүрэлзүүлж, эзэмшсэн мэргэжил, дуртай зүйлдээ сэтгэл зүрхээ зориулан яваа түүнээс илүү зэвүүн, бүр мундаг дүр гарна гэдэгт итгэлтэй байна.