Улсын хэмжээнд өнгөрсөн долоо хоногт буюу 2026 оны есдүгээр сарын 7-13-ны өдрүүдэд нийслэлийн найман дүүрэг, 14 аймгийн 27 суманд аюулт үзэгдэл, ослын нийт 77 удаагийн дуудлага бүртгэгджээ.

   Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, дөрвөн иргэний амь насыг авран хамгаалан, утаажилтын бүсээс 40 иргэнийг гаргаж, шаардлагатай тусламж, үйлчилгээ үзүүлсэн байна. Нийт дуудлагын 65 нь объектын гал түймэр, гурав нь ой, хээрийн гал түймэр, ес нь хүний үйл ажиллагаатай холбоотой ослын дуудлага байжээ.