Шадар сайд Т.Доржханд өнгөрсөн 2024 оны есдүгээр сард Хонконгоос Б.Энхтайван гэх залууг авчирч, өөрийнхөө Эрчим хүч, газрын тосны асуудал хариуцсан зөвлөхөөр томилсон. Өдгөө зөвлөх Б.Энхтайван нь “Эрдэнэс Монгол” ХХК-ийн Хариуцлагатай уул уурхай хариуцсан Менежер, Хөтөлийн “Цемент шохой” ТӨХК-ин ТУЗ-ийн даргын сэнтийг хослуулан хэнхэлзэж буй.
Тэгвэл Шадар сайд Т.Доржханд энэ оны нэгдүгээр сард дахиад Их Британиас Л.Дулмаазул гэх эмэгтэйг авчирч, өөрийнхөө Эрчим хүчний шилжилт, хөрөнгө оруулалт хариуцсан зөвлөхөөр томилсон. Учир нь, Т.Доржханд, түүний зөвлөх Л.Дулмаазул хоёр 2012 онд Оксфордын их сургуулийг хамт төгссөн, эртний найзууд. Өдгөө Шадар сайд Т.Доржханд хаана л явна зөвлөх Л.Дулмаазултайгаа “хөтлөлцөж” яваа харагддаг.
Тайлбар: Шадар сайд Т.Доржханд, зөвлөх Л.Дулмаазул
Тэгвэл Шадар сайд Т.Доржхандын зөвлөх Л.Дулмаазул нь Өмнөговь, Говьсүмбэр аймагт асар том газартай, эзэмшдэг газрынхаа хэмжээгээр Монголдоо тэргүүлэх нэгэн ажээ. Заримыг нь өөрөө эзэмшиж буй бол, заримыг нь Шадар сайд Т.Доржхандын зөвлөх болсныхоо дараа төрсөн ахынхаа хүүхдийн нэр дээр шилжүүлжээ. Яагаад төрсөн ахынхаа хүүхдийн нэр дээр шилжүүлж, асар том газраа нийтээс нууцалсныг нь доор дэлгэрүүлнэ.
Тайлбар: Шадар сайд Т.Доржхандын зөвлөх Л.Дулмаазул, түүний төрсөн ахынх нь хүү Д.Ананд
Тодруулбал,
- Шадар сайд Т.Доржхандын зөвлөх Л.Дулмаазул нь “Вольфсон” ХХК-ийг эзэмшдэг, гүйцэтгэх захирлаар нь төрсөн ах Л.Дарамбазарынх нь хүү Д.Ананд ажилладаг. “Вольфсон” ХХК нь Өмнөговь аймгийн Цогт-Овоо сумын 2-р баг, Бор тээг гэх газарт 650,000 000 м2 буюу 65 мянган га газрыг эзэмшдэг. Доорх кадастрын зураг дээр Л.Дулмаазулын "Вольфсон" ХХК-ийн эзэмшдэг газар нь Даланзадгад хотын нутаг дэвсгэрээс ч том харагдана.
Тайлбар: Улаан зураас-Өмнөговь аймгийн Цогт-Овоо сумын нутаг дэвсгэр, Цэнхэр зураас- Л.Дулмаазулын "Вольфсон" ХХК-ийн эзэмшдэг газар
- Шадар сайд Т.Доржхандын зөвлөх Л.Дулмаазул “Талын энержи” ХХК-ийг эзэмшиж байгаад өнгөрөгч тавдугаар сард төрсөн ахынхаа хүү Д.Анандын нэр дээр шилжүүлсэн. “Талын энержи” ХХК нь Өмнөговь аймгийн Манлай сумын 3-р баг, Жаргалант гэх газарт 72,267,299 м2 буюу 7226 га газар эзэмшдэг.
- Шадар сайд Т.Доржхандын зөвлөх Л.Дулмаазул нь “Эс Эс Пи Салхин энержи” ХХК-ийг эзэмшиж байгаад өнгөрөгч тавдугаар сард төрсөн ахынхаа хүү Д.Анандын нэр дээр шилжүүлсэн. “Эс Эс Пи Салхин энержи” ХХК нь Өмнөговь аймгийн Манлай сумын 3-р баг, Жаргалант гэх газарт 64,359,213 м2 буюу 6435 га газар эзэмшдэг.
- Шадар сайд Т.Доржхандын зөвлөх Л.Дулмаазул нь “Эс Эс Пи Манлайн энержи” ХХК-ийг эзэмшиж байгаад өнгөрөгч тавдугаар сард төрсөн ахынхаа хүү Д.Анандын нэр дээр шилжүүлсэн. “Эс Эс Пи Манлайн энержи” ХХК нь Өмнөговь аймгийн Манлай сумын 3-р баг, Жаргалант гэх газарт 50,373,487 м2 буюу 5037 га газар эзэмшдэг.
- Шадар сайд Т.Доржхандын зөвлөх Л.Дулмаазул “Сан степпе энерги” ХХК-ийг эзэмшиж байгаад өнгөрөгч тавдугаар сард төрсөн ахынхаа хүү Д.Анандын нэр дээр шилжүүлсэн. “Сан степпе энерги” ХХК нь “Сан степпе” ХХК-ийг эзэмшдэг. Харин “Сан степпе” ХХК нь Говьсүмбэр аймгийн Сүмбэр сумын 1-р багт 1.0 сая м2 буюу 100 га газартай.
Тэгэхээр Шадар сайд Т.Доржхандын зөвлөх Л.Дулмаазулын таван компани нь Өмнөговь, Говьсүмбэр аймагт 837,999,999 м2 буюу 83,799 га эзэмшиж байгаа юм. Энэ нь хэр том газар болохыг энгийн жишээгээр тайлбарлъя. Нэг айл хашааны 0.07 га буюу 700м2 газартай. Тэгэхээр Л.Дулмаазулын 837,999,999м2 газар нь 1,197,142 айлын хашааны газартай тэнцэнэ гэсэн үг.
ШАДАР САЙД Т.ДОРЖХАНД 837 САЯ М2 ГАЗАРТАЙ, СЭРГЭЭГДЭХ ЭРЧИМ ХҮЧНИЙ КОМПАНИТАЙ НАЙЗ Л.ДУЛМААЗУЛЫГАА ЗӨВЛӨХӨӨРӨӨ АВМАГЦАА СЭРГЭЭГДЭХ ЭРЧИМ ХҮЧНИЙ ХӨРӨНГӨ ОРУУЛАЛТ ЯРЬЖ ЭХЭЛСНИЙ УЧИР...
Ноцтой нь, Шадар сайд Т.Доржхандын зөвлөх Л.Дулмаазул таван компанийнхаа нэр дээрх энэ том газруудыг сэргээгдэх эрчим хүчний буюу нар, салхины цахилгаан станц барих зориулалтаар ашиглахаар хадгалж буй. Тэгээд болоогүй, Л.Дулмаазул “Сан степпе” ХХК-даа сэргээгдэх эрчим хүчний станц барих тусгай зөвшөөрөл гаргуулж аваад, өдгөө Говьсүмбэр аймгийн Сүмбэр суманд эзэмшдэг 1.0 сая м2 газар дээрээ 50МВт-ын нарны буюу сэргээгдэх эрчим хүчний станц бариад эхэлчихсэн.
Илүү ноцтой нь, Шадар сайд Т.Доржханд, түүний зөвлөх Л.Дулмаазул хоёр өнгөрсөн хавраас хойш хэд хэдэн удаа гадагшаа томилолтоор явж, бас гадаадын томчуудыг урьж, ам нээвэл л сэргээгдэх эрчим хүчний салбарын хөрөнгө оруулалт гэж ярьж яваа. Жишээ нь, Шадар сайд Т.Доржханд, Л.Дулмаазул хоёр өнгөрөгч дөрөвдүгээр сард АНУ-д очоод ирэхдээ сэргээгдэх эрчим хүчний салбарт АНУ-аас 2.0 тэрбум ам.долларын хөрөнгө оруулалт авах болсноо зарласан.
Дараа нь, өнгөрсөн есдүгээр сард Шадар сайд Т.Доржханд, Ч.Дулмаазул хоёр Саудын Арабын “ACWA POWER” компанийн удирдлагуудтай уулзаж, сэргээгдэх эрчим хүчний салбарт 10 тэрбум ам.долларын хөрөнгө оруулалт авахаар болсноо зарласан. Сүүлд, өнгөрөгч аравдугаар сард Т.Доржханд, Л.Дулмаазул хоёр сэргээгдэх эрчим хүчний салбарт Европын хөрөнгө оруулалтын банкнаас 1.0 тэрбум евро\4.1 их наяд төгрөг\-ийн санхүүжилт авахаар болсноо зарласан. Нэмээд тун удахгүй Европын сэргээн босголт хөгжлийн банкнаас сэргээгдэх эрчим хүчний салбарт 1.0 тэрбум ам.доллар\3.6 их наяд төгрөг\-ын санхүүжилт авна гэдгээ мэдэгдсэн. Энэ мэтээр, Шадар сайд Т.Доржханд, түүний зөвлөх Л.Дулмаазул хоёр сэргээгдэх эрчим хүчний салбарт гадаадаас асар их хөрөнгө оруулалт авахаар тохиролцсон, лавтай 8.0 орчим их наяд төгрөгийн хөрөнгө оруулалт нь ирэх таван жилийн хугацаанд орж ирнэ гэх.
Нэгтгэвэл, Шадар сайд Т.Доржханд, түүний зөвлөх Л.Дулмаазул хоёр сэргээгдэх эрчим хүчний салбарт санхүүжилт татна гэж хөлөө хугалах шахам гүйж байгаа нь цаанаа “Сан степпе” ХХК-даа хөрөнгө оруулалт татах, нэмээд 837,999,999м2 газраа ашиглах далд зорилготой байж болзошгүй харагдаж байна. Өөрөөр бол,сэргээгдэх эрчим хүчний салбарын хөрөнгө оруулалт нэрээр гадаадаас орж ирэх олон арван их наядын санхүүжилтээс Шадар сайд Т.Доржханд, түүний зөвлөх Л.Дулмаазул хоёр л асар их хөлжих дүр зураг гарч ирж байгаа юм. Товчхондоо, тагнуул, авлигатай тэмцэхийн мөрдөгчдийн эртнээс анхааралдаа авах ёстой нэг сэдэв нь энэ бололтой.
| ШАДАР САЙД Т.ДОРЖХАНДЫН ЗӨВЛӨХ 1.2 САЯ АЙЛЫН ХАШААТАЙ ТЭНЦЭХ ГАЗАРТАЙ |
|
.PNG)
Б.Мөнгөнзул дэлхийн 4 удаагийн аварга Ju Wenjun хожив
Дэлхийн хамгийн урт хурдны авто замын туннель ашиглалтад орлоо
Тувагийн Чингис Салбырын, Д.Оганнисяныг хүнд цохилтоор яллаа
Чөлөөтийн мастерууд Буриадын тэмцээнээс медаль хүртлээ
О.Энхсайхан хүнд цохилтоор өрсөлдөгчөө яллаа
