Дэлхийн аваргын цомыг өчигдөр хүртээд буй АНУ-ын шигшээ багийн холбон тоглогч, WNBA-ын Indiana Fever багийн 22 дугаартай тоглогч Кэйтлин Кларкийн талаарх найман баримтыг хүргэж байна.

       Дэлхийг шуугиулж буй сагсчин Кэйтлин Кларк гэж хэн бэ

-Бүх цагийн үеийн онооны дээд рекорд. АНУ-ын Коллежийн Спортын холбооны (NCAA) 86 жилийн түүхэн дэх хамгийн өндөр оноо (3951 оноо) цуглуулсан тамирчин.

-Эмэгтэй Стефен Кари. Оновчтой шидэлтийн зай хол. Төв шугамын захаас гурван онооны шидэлт амжилттай гүйцэтгэдгээрээ алдартай тул Стефен Каритай харьцуулагддаг. https://www.facebook.com/share/r/1JYPYSaV6Z/?mibextid=wwXIfr

-“The Caitlin Clark Effect”. Кларкийн тоглосон тоглолт бүрийн тасалбар хэдхэн минутын дотор дуусдаг. Түүний нөлөөгөөр сүүлийн хэдэн жилд WNBA-ын телевизийн үзэлт, тоглолтын ирц болон сувенирын борлуулалт түүхэнд байгаагүйгээр огцом өссөн гэж үздэг. https://www.youtube.com/watch?v=Qt-BGmi9CPg

-“Nike”-тай хийсэн түүхэн гэрээ. Коллежоо төгсмөгцөө Кларк WNBA-д орохдоо “Nike” брэндтэй найман жилийн 28 сая ам.долларын гэрээ байгуулсан. Энэ нь эмэгтэй сагсан бөмбөгчдийн түүхэнд байгаагүй хамгийн өндөр дүнтэй спонсорын гэрээ юм.

-Нэг тоглолтын үеэрх 19 оновчтой дамжуулалт. WNBA-ын шинэ тоглогч байхдаа тэр бээр угсраа 19 удаа оновчтой дамжуулж, лигийн бүх цаг үеийн дээд амжилтыг тогтоосон. https://www.youtube.com/watch?v=HePpQ1pgQWw

-Бөмбөгтэй бараг бүх спортоор хичээллэдэг. Зөвхөн сагсан бөмбөг биш софтбол, хөлбөмбөг, теннис болон гольфоор хичээллэдэг. Чөлөөт цагаараа гольфоор хичээллэдэг тэрбээр мэргэжлийн PGA турнирын шоу тоглолтуудад оролцдог.

-WNBA-ын түүхэн “triple-double”. Тэрбээр WNBA-ын шинэ тоглогч (Rookie) байхдаа “triple-double” буюу 19 оноо, 13 самбараас авалт, 12 оновчтой дамжуулалт хийсэн анхны тамирчин болсон. https://www.youtube.com/watch?v=aml_IfjuXO4

-Дэлхийн аварга: Тэр бээр өчигдөрхөн 2026 оны FIBA Эмэгтэйчүүдийн ДАШТ-д АНУ-ын шигшээ багт тоглож, дэлхийн аваргын алтан медалийг хүртээд байна.