Азийн олимпын зөвлөлийн ивээл дор зохион байгуулагдаж буй ХХ удаагийн Азийн наадамд эх орноо төлөөлөн оролцох Монголын баг тамирчид Япон Улсын Айчи мужийн Нагояа хотноо хүрэлцэн очиж, тэмцээний өмнөх бэлтгэлээ эхлүүлээд байна. Боксын баг тамирчид Нишио хотноо 12 орны тамирчидтай хамтарсан бэлтгэлд хамрагдаж байна.

     Харин байт харвааны тамирчид Нагояа хотын Накамүра дүүрэгт тэмцээний өмнөх бэлтгэлээ хангахаар өчигдөр хүрэлцэн очлоо. Мөн пентатлоны тамирчны бэлтгэл Зохион байгуулах хорооны хуваарь, журмын дагуу эхэлсэн бөгөөд волейбол, тэкболын баг тамирчид Нагояа хотноо тэмцээний бэлтгэлдээ ороход бэлэн болоод байна.

     Энэ удаагийн Азийн наадмын нэг онцлог нь тэмцээнүүд нэг хотод төвлөрөхгүй, Токио хот, Айчи муж болон бусад бүс нутаг дахь олон спортын байгууламжид зэрэг зохион байгуулагдаж буй явдал юм. Үүний дагуу Монголын баг тамирчид зочид буудал, усан онгоц болон наадмын түр байранд байрлан бэлтгэлээ хангаж, спортын төрөл тус бүрийн тэмцээний хуваарийн дагуу өрсөлдөнө.