Ус цаг уур, орчны судалгаа, мэдээллийн хүрээлэнгийн Хөдөө аж ахуйн цаг уурын судалгааны хэлтсийн мэдээллээр есдүгээр сарын 10-ны байдлаар бэлчээрийн ургамлын ургалт нийт нутгийн 50 гаруй хувьд сайн, 40 гаруй хувьд дунд, 10 орчим хувьд муу байна.

   Ургамлын ургалт Сүхбаатар, Дундговь, Өмнөговь, Говь-Алтай болон Хэнтий аймгийн зарим сумын нутгаар муу байгаа аж. Харин Архангай, Орхон, Сэлэнгэ, Дархан-Уул, Говьсүмбэр, Дорнод аймгийн нийт нутгаар, Говь-Алтай, Хөвсгөл, Булган, Өвөрхангай, Төв аймгийн ихэнх нутгаар ургамлын ургалт сайн байна.

   Мөн Увс, Завхан, Баянхонгор, Хэнтий аймгийн зарим, Баян-Өлгий, Ховд, Дундговь, Өмнөговь, Дорноговь, Сүхбаатарын зарим сумын нутгаар ургамлын ургалт сайн байгаа бол бусад нутгаар дунд зэрэг байна.