Боксын үндэсний шигшээ багийн нэгдүгээр бүрэлдэхүүн 20 дахь удаагийн Айчи-Нагояагийн Азийн наадмын бэлтгэл, тэмцээнд оролцохоор Япон Улсыг зорьсон билээ. Харин шигшээ багийн үлдсэн бүрэлдэхүүний тамирчид БНХАУ-ын Шинжаан мужийн Корло хотод зохион байгуулагдах олон улсын хамтарсан бэлтгэл, тэмцээнд оролцохоор өчигдөр эх орноосоо мордсон.

   Тамирчид есдүгээр сарын 14–23-ны өдрүүдэд хамтарсан бэлтгэлд хамрагдаж, 24–30-ны өдрүүдэд тэмцээндээ оролцоно. Боксын багийг Узбекистан Улсын зөвлөх багш Аброр Турсунпулатов, дасгалжуулагч А.Бат-Очир, Б.Есүхэй, багийн эмч Ч.Насанбат нар ахлан ажиллана.