БНСУ-д ажиллаж буй монгол эмэгтэйг ажил олгогч нь зодож байгаа бичлэг цахим сүлжээнд цацагдаад байна. Тодруулбал, БНСУ-ын эрэгтэй эхнэртэйгээ нийлж, манай улсын иргэнийг зодож, танхайрч байгааг баримтжуулжээ.

Тэгвэл уг хэргийг БНСУ-ын цагдаагийн албан хаагчид шалгаж эхэлжээ. Мөн Монгол Улсаас БНСУ-д суугаа Элчин сайдын яамныхан анхаарлаа хандуулж эхэлсэн байна. Түүнчлэн холбогдох консул, яамныхан цагдаагийн албан хаагчидтай уулзаж, хүчирхийлэлд өртсөн эмэгтэй хэн болох, хэзээ ажиллаж байсан зэргийг тогтоохоор ажиллаж байгаа талаар Гадаад харилцааны яамнаас мэдээллээ.