Өмнөд Африкийн Бүгд Найрамдах Улсын мэргэжилтнүүд коронавирусийн олон мутацтай, шинэ хувилбарыг илрүүлснээ өчигдөр зарласан. Тэгвэл уг шинэ хувилбарыг ДЭМБ “аюултай” ангилалд оруулж, “Омикрон” үсгээр нэрлээд байгаа юм. Ерөнхий сайдаас өгсөн чиглэлийн дагуу Улсын Онцгой комисс өнөөдөр 11:00 цагаас цаг үеийн асуудлаар хуралдлаа.

Шадар сайд С.Амарсайхан “Хатуу хөл хорио тогтоох талаар ярилцаагүй. Тийм шийдвэр гараагүй. Мөн дотоодод хязгаарлалт үүсгэх, шинэ жилийн баяр тэмдэглэхийг хориглох талаар яриагүй. Гэхдээ цаашид нөхцөл байдал яаж өөрчлөгдөх, ямар хүндрэл үүсэж, эрсдэл бий болохыг одоогоор тогтоох, хэлэх боломжгүй. Ийм учраас бид тухайн цаг үед нь уялдуулан арга хэмжээ авахыг үгүйсгэхгүй. Өнөөдрийн байдлаар дотоодын аж ахуйн нэгжийн салбар, үйлчилгээний газруудыг хэвийн үйл ажиллагааг нь явуулна гэсэн байр суурьтай байна.