Өмнөд Африкийн Бүгд Найрамдах Улсын мэргэжилтнүүд коронавирусийн олон мутацтай, шинэ хувилбарыг илрүүлснээ өчигдөр зарласан. Тэгвэл уг шинэ хувилбарыг ДЭМБ “аюултай” ангилалд оруулж, “Омикрон” үсгээр нэрлээд байгаа юм. Ерөнхий сайдаас өгсөн чиглэлийн дагуу Улсын Онцгой комисс өнөөдөр 11:00 цагаас цаг үеийн асуудлаар хуралдлаа.

         Бүгд Найрамдах Өмнөд Судан Улсад явагдаж буй НҮБ-ын мандаттай UNMISS ажиллагаанд хурандаа Д.Энхбаатар захирагчтай Монгол Улсын Зэвсэгт хүчний 10 дугаар ээлжийн цэргийн багийн бие бүрэлдэхүүний гуравдугаар ээлжийн алба хаагч өнөөдөр эх орондоо ирнэ. Голомттой бүс нутгаас ирж байгаа алба хаагчдыг 10 хоног тусгаарлахаар болсон байна.  Алба хаагчдыг цэргийн амралтад тусгаарлахаар болсон талаар УОК-ын дарга, Шадар сайд С.Амарсайхан мэдээллээ.