“Айчи Нагояа-2026” Ази тивийн наадмын боксын эрэгтэйчүүдийн 55 кг-ын жинд энэ оны Ази тивийн аварга шалгаруулах тэмцээний мөнгөн медальт, ОУХМ Хархүүгийн Билгүүнсайхан Тайландын Кангпи Бохунтодтой шөвгийн наймд тулалдлаа. Х.Билгүүнсайхан эхний раундаас илүүрхэн, хоёрдугаар үед өрсөлдөгчөө хүнд цохилтод оруулан тоолуулсан.

     Улмаар ОУХМ Х.Билгүүнсайхан тулааны төгсгөл хүртэл илүүрхсээр шүүгчдийн санал нэгтэй шийдвэрээр 5:0-ийн харьцаатай ялалт байгуулж Азийн наадмын шигшээ дөрөвт үлдлээ. Түүний хагас шигшээ тулааны учраа Японы Рүи Ямагучи байна. Энэ оны Азийн аваргын шигшээ тоглолтод хүч үзэж байсан хоёр боксчны тулаан есдүгээр сарын 30-ны өдөр явагдана.