Канад, Монголын Мерит төслөөс "Үр дүнд суурилсан удирдлага" сэдвээр гурван өдрийн эрчимжүүлсэн сургалтыг Дархан-Уул аймагт зохион байгууллаа. Уг сургалтад төвийн бүсийн Архангай, Дархан-Уул, Сэлэнгэ, Төв, Хөвсгөл аймгийн нийт 26 төрийн албан хаагч 18 эмэгтэй, найман эрэгтэй хамрагдав.

   Орон нутгийн бодлого, хөтөлбөрийн төлөвлөлт, хэрэгжилт, хяналт-шинжилгээ болон тайлагналыг хариуцдаг албан хаагчдад зориулсан уг сургалтаар үр дүнд суурилсан удирдлагын үндсэн ойлголтыг өгч, бодит дасгал ажилд суурилсан практик аргачлал эзэмшүүллээ.

   Сургалтын үеэр УИХ-ын гишүүн, Хүний эрхийн дэд хорооны дарга Х.Баасанжаргал оролцогчидтой уулзаж, үр дүнд чиглэсэн засаглалын талаар санал бодлоо солилцлоо. Мерит төсөл Монгол Улсын "Хүний эрхийг хангах үндэсний хоёрдугаар хөтөлбөр"-ийг боловсруулах үйл явцад үр дүнд суурилсан арга зүйн дэмжлэг үзүүлж буй юм.