“Орон сууц худалдаална”, “Уул уурхайн лиценз зарна” гэх мэтээр иргэдийг төөрөгдүүлж, хуурч мэхлэх замаар удаа дараа залилангийн гэмт хэрэг үйлдсэн гэр бүлийн хамаарал бүхий О, М нарыг цагдаагийн байгууллагаас эрэн сурвалжилж, Хан-Уул дүүргийн нутаг дэвсгэрээс баривчилжээ.

     Улмаар холбогдох хууль, журмын дагуу таслан сэргийлэх арга хэмжээ авсан байна. Цагдаагийн байгууллагад сүүлийн нэг сарын хугацаанд энэ төрлийн 94 гэмт хэрэг бүртгэгдсэн байна.

     Иймд иргэдийг үл хөдлөх хөрөнгө, уул уурхайн лиценз зэрэгтэй холбоотой зар, мэдээллийн үнэн зөвийг сайтар шалгаж, залилангийн гэмт хэргийн хохирогч болохоос сэрэмжлэхийг цагдаагийн байгууллагаас анхаарууллаа.