УОК, Засгийн газрын шийдвэрээр хоёрдугаар сарын 11-22-ныг хүртэл арав хоногийн хугацаатайгаар бүх нийтийн бэлэн байдлын зэрэгт шилжүүлж, хөл хорио тогтоогоод байгаа. Энэ хугацаанд хөл хорионы дэглэм өдөр бүр 24 цаг мөрдөгдөх ёстой. Өөрөөр хэлбэл, өдөр ч шөнө ч хөл хорионы дэглэм яг адил үйлчлэх ёстой юм. Тэгвэл энэ үед цагдаагийн алба хаагчид өдөр болон шөнө хэрхэн хэв журам сахиулж байгааг харьцуулалт хийн, сурвалжиллаа.

Цагдаа, дотоодын цэрэг, төрийн албан хаагч нийт 10 мянга орчим хүн хөл хорионы үеэр эргүүлд гарч байгаа. Төрийн албан хаагчид өглөөний 08-15, 15-22 цагт хоёр ээлжээр эргүүлд гарч байгаа. Харин цагдаагийн алба хаагчид 24 цагаар эргүүлд гарах үүрэг, чиглэлтэй. Тэд өдрийн цагаар тээврийн хэрэгслийн хөдөлгөөнд оролцож байгаа жолоочдын иргэний үнэмлэх, ажлын тодорхойлолт, PCR шинжилгээний хариуг шалгаж байгаа. Мөн орон сууц, хорооллын орох гарах туслах замд эргүүл гарч, хөл хөдөлгөөнийг нам бариад байгаа. Мөн УОК, болон НОК-оос гаргасан шийдвэр цагдаагийн алба хаагчдаас тавьж буй шийдвэртэй зөрөлдөж, иргэдэд чирэгдэл үүсгэж буй юм. Тэгвэл шөнийн цагаар буюу 23:00 цагаас эхлэн цагдаагийн алба хаагчид эргүүлээсээ бууж, тэр үеэр хөл хорионы хатуу дэглэм суларч байна.

 Цагдаагийн алба хаагчид өвлийн хүйтэнг ажралгүй олон цагаар эргүүлд гарч хэв журам сахиулж байгаад иргэд талархалтай хандаж байгаа. Гэвч хөл хорионы хатуу дэглэмийг өдөр нь сайн мөрдүүлж байгаа хэрнээ шөнийн цагаар сулруулсан үед иргэд Хөл хориог сулруулсан үед иргэд хүссэн газартаа очиж болж байна. Өөрөөр хэлбэл,  шөнийн цагаар хөл хорионы атуу дэглэмийг бууруулсан үед шагийн архины наймаа, ахуйн хүрээний архидалт зэрэг зөрчил үйлдэгдэх нөхцөл бүрдээд байгаа юм.