Энэ удаагийн “Бүтээх агшин” буланд маань зураач, чөлөөт уран бүтээлч Ч.Цогбаяр оролцлоо. Эр хүний мөн чанар, эр хүн байх гэдэг ямар хүн байхыг хэлдэг гэх зэргээр эр хүн гэх тодотголуудыг гаргаж ирэхийг зорьсон түүний ээлжит “Түүхийг өртөөлсөн монгол эрчүүд” бүтээлийг танилцуулж байна.

Уран бүтээлч Чулуунбаатарын Цогбаяр 1975 онд төрсөн.

1994-1997 онд Дүрслэх Урлагийн "Соёл" коллежийг зураач мэргэжлээр дүүргэсэн.

2002-2004 онд АНУ-д урлаг судлалын ажил эрхэлсэн.

2010-2013 онуудад чөлөөт уран бүтээлчээр ажилласан.

2015 онд “BLue Moon” арт галерейд реалист зураачдын үзэсгэлэнд оролцсон.

2014-2017 онд "Адмон" хэвлэлийн компанид хүүхдийн номын зураачаар ажилласан.

2017-оос чөлөөт уран бүтээлчээр ажиллаж байна.

Мөн зураач Ч.Цогбаярын “Түүхийг өртөөлсөн Монгол эрчүүд” уран бүтээлийн анхны бие даасан үзэсгэлэн Монгол арт галерейн үзэсгэлэнгийн танхимд энэ сарын 27-ноос эхлэн ирэх сарын 10 хүртэл үзэгчдийн хүртээл болж байна.